LEVÍTICO 23:10 - Dios Rimashcata Quillcashcami

¹⁰ «Tucui israelcunataca: “Cancuna ñuca cushca llactaman yaicushpa, cosechashpaca shuc gavillata curaman cunguichic. Chai gavillaca punta ñucaman cushcami canga.

LEVÍTICO 23:10 Iomraidhean Croise

ÉXODO 22:29

Cambac punta pucushca granotapish, vinotapish, ama unayashpa, utca ñucaman cungui. Cambac punta cari huahuatapish ñucaman cungui.

ÉXODO 23:16

Punta pucushca granota cosechana fiestata ruhuangui. Tucui tarpushcata huata tucuripi tandachishpapish fiestata ruhuangui.

ÉXODO 23:19

Cambac allpapi punta tarpushca granota canta Mandac Dios ñuca huasiman apamungui. Malta chivota huañuchishpapish ama paipac mamapac lechellapitac yanunguichu.

ÉXODO 34:22

Punta pucushca trigo cosechana pentecostés fiestatapish, huata tucuri cosechana fiestatapish ruhuangui.

ÉXODO 34:26

Cambac allpapi pucushca granomantaca punta ashtahuan alli granota ñucata yuyarina huasiman apamungui. Ama malta chivo aichata mama chivopac lechellahuantac yanunguichu» nirca.

EZEQUIEL 44:30

Shinallatac tucui punta pucushca granopish, ñucaman cushcacunapish paicunapacmi canga. Cancunapac huasicunapi ñuca bendiciachunca, alli harina masashcatami paicunaman cuna canguichic.

LEVÍTICO 14:34

«Cancuna ña Canaán llactaman chayashpa, ñuca cushca llactapi causacucpi, maijanpac huasipi lepra ungüita ñuca churacpi, chai ungüi ricuricpica,

LEVÍTICO 23:11

Chai gavillataca samana punzha cayandimi curaca cuyuchishpa, ñucaman cunga. Chashna cucpimi, ñucaca chasquisha.

LEVÍTICO 23:17

Cuyuchishpa ñucaman cungapacca cancunapac huasimanta alli harinata levadurahuan ruhuashca ishcai tandata apamunguichic. Caimi punta pucushca granomanta Mandac Dios ñucaman cushcaca canga. Chaicunaca cada tandami chuscu kilo alli harinamanta ruhuashca canga.

LEVÍTICO 23:9

Mandac Dios Moisesta rimashpaca:

NÚMEROS 15:2

«Israelcunataca: “Ñuca cusha nishca llactapi causangapac yaicushpa,

NÚMEROS 28:26

Pentecostés punzhapi, punta pucushca granota ñucaman cuna punzhapica, Diospaclla tandanacuita ruhuanguichic. Chai punzhapica ama imata ruhuanguichicchu.

ROMANOS 11:16

Punta ruhuashca tanda Diospaclla cacpica, tucui chapumi Diospac canga. Shuc yura sapi Diospaclla cacpica, tucui ramacunami Diospac canga.

DEUTERONOMIO 16:9

Cosecha callari punzhamanta canchis semanata yupashpa,

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

JOSUÉ 3:15

(Chai yacuca cosecha punzhacunapica, patacamanmi jundac carca). Ashtahuanpish Diospac Arcata huanduccuna Jordán yacu pataman chayashpami, chai huandushpa ric curacuna chaquicunata apyacpica,

APOCALIPSIS 14:4

Paicunaca huarmihuan mana chayarishca chuyacuna, Pactalla Oveja maita ricpipish caticcuna, gentecunapuramanta Diosmanpish, Pactalla Ovejamanpish cungapac, punta acllashcacuna shina quishpirishcacunami can.

RUT 1:22

Chashnami Noemica Moab llactamantaca moabitapuramanta paipac nuera Ruthuan Belenman cutirca. Paicunaca cebadata cosechana callari punzhacunapimi chayamurcacuna.