LEVÍTICO 22:23 - Dios Rimashcata Quillcashcami

²³ Quiquin munaimanta cushpaca, mana alli huagrata, mana cashpaca cari ovejata cui pudinguichicmi. Shina cacpipish, cushami nishcamanta chashna animaltaca mana cui pudinguichicchu. Chaitaca mana chasquishachu.

LEVÍTICO 22:23 Iomraidhean Croise

ÉXODO 35:29

Mandac Dios Moisesta mandashca shina ruhuarichunca, tucui alli shunguyuc israelcunami caricunapish, huarmicunapish tucui munaihuan Mandac Diosman cungapac apamurca.

LEVÍTICO 21:18

Lisiado runaca manatac cuchuyanchu can. Ñahui mana ricuccunapish, huishtucunapish, ima pitishcacunapish, lisiado huacharishcacunapish ñucapacmanca manatac chayarinachu can.

LEVÍTICO 22:22

Mandac Dios ñucamanca ñahui mana ricuc, imapish paquirishca, chugrishca, chaqui maqui illac, sisushca animaltaca ama cunguichicchu. Chaicunataca Mandac Dios ñucaman cushpa, rupachina altarpi ama churanguichicchu.

LEVÍTICO 22:24

Ruru ungushca, mana cashpaca ruru pitishca animaltaca ama Mandac Dios ñucaman cunguichicchu. Cancunapac llactapica ama chashna ruhuanguichicchu.

MALAQUÍAS 1:8

Mana ricuc animalta ñucaman huañuchichun cushcaca, ¿cancunamanca allichu? Suchu animalta, ungushca animalta ñucaman cushcapish, ¿cancunamanca allichu? Alli cacpica, chai animaltaca cancunata mandacman cugrichicyari. Shina cucpica, ¿cantaca alli ningachu? ¿Chai cushcataca chasquingachu?» ninmi.

DEUTERONOMIO 15:21

Shina cashpapish maijan animal mana alli cacpi, suchu, ñahui mana ricuc, imapish tucushca cacpica, ama Mandac Diosman cunguichicchu.

DEUTERONOMIO 17:1

Mandac Diosmanca alli huagrata, alli ovejata cunguichic. Chai shina animalcunataca Mandac Diosca millanayachinmi.