LEVÍTICO 22:10 - Dios Rimashcata Quillcashcami

¹⁰ Ñucapaclla chicanyachishca micunataca maijan mana ricsishca runaca mana micui pudinchu. Curapac huasipi pozashpa causacpish, huasipi servicpish, mana micui pudinchu.

LEVÍTICO 22:10 Iomraidhean Croise

ESDRAS 2:63

Chaimantami Judá llactata mandacca Urimhuan, Tumimhuan shuc cura Diosman tapushpa, imata huillangacaman Diosman cushca micunata ama micuchun mandarca.

ÉXODO 12:43

Mandac Dios Moisestapish, Aarontapish rimashpaca: —Pascua punzhataca cashnami ruhuana canguichic. Pascua micuitaca shuctac llactamanta caccunaca mana micunachu can.

ÉXODO 12:45

Caru llactamanta caccunapish, chai llactapi trabajashpa causaccunapish mana micunachu can.

ÉXODO 29:33

Tucui chaicunaca ñucapaclla tucuchun, juchamanta ñucaman cushca aichami. Chaimanta pipish mana micunachu, ashtahuanpish paicunallami micuna can.

EZEQUIEL 44:8

Shinallatac ñucapaclla ruhuanacunata caru llacta gentecuna ruhuachunmi paicunaman curcanguichic.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 22:13

Chai curapac ushi viuda, mana cashpaca cusamanta raquirishca mana huahuayuc cashpa, taitapac huasipi causacushpaca, taita micunata micui pudinmi. Maijan mana ricsishcaca mana micui pudinchu.

NÚMEROS 3:10

Curacuna ruhuana cashcataca Aaronman, paipac churicunaman mingangui. Chaiman pipish yaicushpaca huañungami» nirca.

SAN MATEO 12:4

Paicunaca Diosta mañana huasiman yaicushpami, Diosman cushca tandataca mana micuna cacpipish micurcacuna. Chaitaca curacunami micuc carca.

1 SAMUEL 21:6

Shina nicpimi, Ahimelecca ashtahuan shuc tanda mana tiyashcamanta Diosman chicanyachishca tandata Davidman curca. Chai punzhaca cunuclla tandata churangapacmi Mandac Diospac ñaupamanta chai tandataca anchuchishpa charicurca.

1 SAMUEL 21:7

Chai punzhallatacmi Saulta servicpuramanta shuc runa Mandac Diospac huasipi saquirishca carca. Paica Saulpac ovejacunata michiccunata mandac Edom llactamanta Doegmi carca.