LEVÍTICO 21:6 - Dios Rimashcata Quillcashcami

⁶ Paicunaca ñucaman cushpa rupachiccunami. Chaimantami ñucapac shutita mana mapayachingapac, ñucapaclla chicanyarishca, jucha illac cana can.

LEVÍTICO 21:6 Iomraidhean Croise

ESDRAS 8:28

Chai quipaca: «Cancunaca Mandac Diospaclla chicanyachishcami canguichic. Diospac huasipi ima tiyashcacunapish, cullquipish, curipish, ñucanchic ñaupa taitacunata Mandac Diosman quiquin munaihuan cushcacunapish Diospaclla chicanyachishcami.

ÉXODO 19:22

Mandac Dios ñucapacman cuchuyaccunata ñucapaclla tucuchun nigri. Mana cashna tucucpica, paicunataca llaquichishami— nirca.

ÉXODO 28:36

Chashnallatac alli curimanta shuc sisalaya placata ruhuangui. Chaipica fierrohuan aspishpa, Mandac Dios ñucapaclla chicanyachishcami nishpa sellota quillcangui.

ÉXODO 29:44

Ñucahuan tupana huasipish, altarpish ñucapaclla cachunmi ruhuashca. Aarontapish, paipac churicunatapish ñucata serviccuna cachunmi, ñucapacllata ruhuashca.

ISAÍAS 52:11

¡Babilonia llactamanta anchurichic, anchurichic! Chaimanta llucshichic. Imapish mapapica ama tuparichicchu. Chai llacta chaupimanta llucshichic. ¡Mandac Diospac caccunata apaccunapish mapa illac tucuichic!

EZEQUIEL 44:7

Cancunaca shungupipish, aichapipish circuncisionta mana ruhuashca caru llacta gentecunatami ñuca huasiman yaicuchishpa mapayachircanguichic. Shinallatac huiratapish, yahuartapish, tandatapish cushpa rupachishpami, ñucahuan ari nishcata yangapi churarcanguichic.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 18:21

Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.

LEVÍTICO 19:12

Manapish pactachingapac ari nishpa, ama cancunata Mandac Diospac shutita yangapi churanguichicchu. Ñucami Mandac Dios cani.

LEVÍTICO 20:3

Moloc diosman paipac huahuata cushpa, jucha illac ñuca shutita yangata ruhuashcamanta, ñucapaclla chicanyachishca huasitapish mapayachishcamantaca piñashpami chai runataca israelpuramanta anchuchisha.

LEVÍTICO 21:17

«Aarontaca: “Cambac huahua huahuapuramanta maijan lisiado runaca ñucaman ofrendata cungapac mana cuchuyanachu can.

LEVÍTICO 21:21

Aaronpac aillupuramanta maijan lisiado runaca ofrendata cushpa, rupachingapac mana ñucapacman mana cuchuyanachu can. Lisiado runaca manatac ñucapacman cuchuyanachu can.

LEVÍTICO 21:23

Ashtahuanpish paica lisiadomi. Chaimanta ñucapaclla chicanyachishca ucuta jarcachishcataca mana pasai pudinchu. Altarmanpish mana cuchuyai pudinchu. Shinami ñucapaclla chicanyachishca ucutaca mana mapayachinga. Ñucaca Mandac Diosmi cani. Ñucami ñucapaclla cachun chicanyachic cani” ningui» nirca.

LEVÍTICO 21:8

Paicunaca ñucaman micunata cuccunami. Chaimanta paicunataca Mandac Dios ñucapaclla cashca, jucha illac cashcata yuyanguichic. Ñucaca jucha illacmi cani. Chaimanta paicunapish jucha illacmi cana can. Ñucami jucha illacta ruhuacpish cani.

LEVÍTICO 3:11

Chashnami curaca altar jahuapi rupachinga. Tucui chaicunaca Mandac Diosman cushpa rupachishcami canga.

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

NÚMEROS 28:2

«Israelcunataca: “Ñucaman cuna ofrendataca chai cuna punzhapi, ñucaman mishquilla ashnachun rupachinguichic” ningui.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.