LEVÍTICO 21:5 - Dios Rimashcata Quillcashcami

⁵ Acchatapish mana pitirinachu, barbastapish mana anchuchinachu, mana cuerpota chugririnachu.

LEVÍTICO 21:5 Iomraidhean Croise

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.

ISAÍAS 22:12

Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

JEREMÍAS 16:6

Cai llactapica uchillacunapish, jatuncunapish huañungami. Paicunamantaca pipish mana huacangachu, mana enterrangachu. Shinallatac pipish churanata lliquirishpa, acchata pitirishpa mana llaquiringachu.

JEREMÍAS 48:37

Tucuimi acchatapish, barbastapish pitishpa, maquicunatapish chugririshpa, sharpa churanata churashca purincuna.

EZEQUIEL 44:20

Uma acchatapish mana yallita pitinachu, yalli huiñachunpish mana saquinachu, ashtahuanpish ashallatami pitina can.

EZEQUIEL 5:1

Huañunalla runa, canca barbasta pitina navajatapish, filosapa cuchillotapish japishpa acchatapish, barbastapish pitingui. Chai quipaca balanzata japishpa, acchata pezashpa chaupingui.

LEVÍTICO 10:6

Moisés Aarontapish, paipac churi Eleazartapish, Itamartapish rimashpaca: «Llaquilla tucushpa, achca cacharishca ama puricuichicchu. Llaquilla cashcamanta ama churanata lliquirichicchu. Pacta cancunapish huañunguichicman. Pacta tucui israelcunahuan Mandac Dios piñarinman. Cancunapac huauqui israelcunami Mandac Dios rupachishca runacunamanta huacangacuna.

LEVÍTICO 21:4

Maijan familia huañushcapi tuparishpa mana mapayanachu can.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

MIQUEAS 1:16

Judá llactalla, cancunapac cuyashca huahuacunamantaca llaquirishpa, acchata ruturichicyari. Cancunahuan causaccunata shuctac llactaman prezu apashcamantaca jatun anga shina, lluchu uma tucuichicyari.

DEUTERONOMIO 14:1

Cancunaca Mandac Diospac huahuacunami canguichic. Chaimanta maijan huañucpica, mana chugririnachu canguichic. Acchatapish mana pitirinachu canguichic.