LEVÍTICO 21:10 - Dios Rimashcata Quillcashcami

¹⁰ Cancunapuramanta aceitehuan cahuishca, shinallatac ñucapaclla chicanyachishca churanata churarishca mandac cura cashpaca, mana acchata cacharishcachu purina can. Churanatapish mana lliquirinachu can.

LEVÍTICO 21:10 Iomraidhean Croise

GÉNESIS 37:34

Chaimantami taita Jacoboca paipac churanata lliquirishpa, sharpa churanata churarishpa, paipac churi José huañushcamantaca tauca punzhacunata llaquilla causacurca.

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

ESTER 6:12

Chai quipaca jatun mandac mandacuc huasi pungullamantacmi Mardoqueoca cutirca. Cutin Amanca yallita llaquirishpami, paipac umata tapashpa, paipac huasiman utca cutirca.

JOB 1:20

Chaicunata uyashpami, Jobca jatarishpa paipac jahualla churanata lliquirishpa, uma acchatapish pitishpa pambacaman cumurishpa Diosta alli nirca.

SALMOS 133:2

Chashna causanaca, mishquilla ashnacuc aceiteta acchapi churacpi, barbas uraita ric shinami. Aaronpac barbas uraita tallirishpa, paipac churana puntacaman ric shinami can.

ÉXODO 29:7

Quipaca aceitehuan Aaronpac umapi cahuingui. Chashna ruhuacpimi, ñucapaclla saquiringa.

EZEQUIEL 24:17

Shungullapi llaquiringui. Ama duelo churanata churaringuichu. Ashtahuanpish umapica turbanteta, chaquipica ushutata churaringui. Ñahuitapish ama taparinguichu, veloriopi micunatapish ama micunguichu» nirca.

LEVÍTICO 13:45

Lepra ungüihuan cashpaca, churanapish lliqui, umatapish mana taparishpa shimillata taparishpami: “Mapami cani, mapami cani” nishpa, caparishpa puringa.

LEVÍTICO 16:32

Taitapac randi aceitehuan cahuishca, ñucapaclla chicanyachishca curami juchata pichachun ñucaman animalta cunga. Chai curaca ñucapacta ruhuangapac churarina lino churanatami churaringa.

LEVÍTICO 4:3

Aceitehuan cahuishca cura juchallishpa, tucui israelcunata juchayucta ruhuashpaca, ima mana tucushca becitami chai juchata pichachun Mandac Diosman cuna can.

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.

NÚMEROS 35:25

Tandanacushca israelcunami chai runataca ima shina huañuchishcata tucui taripashpa, huañucpac familiacunamanta miticuna llactaman cutichishpa cachanga. Chai huañuchic runaca aceitehuan cahuishca curacunata mandac cura huañungacamanmi chai llactapi canga.

NÚMEROS 6:7

Diospaclla chicanyachishca cashcata acchapi apashca cashcamantaca paipac taita cacpipish, mana cacpipish, huauqui cacpipish, pani cacpipish, huañushcapi tuparishpa, mana mapayanachu can.

SAN MATEO 26:65

Shina nicpimi, mandac curaca yallita piñarishpa, paipac churanata lliquishpaca: —¡Cai runaca Diostami piñachishca! ¿Imapactac shuctac huillaccunaman tapushun? ¡Cancunallatacmi Diosta piñachishpa rimashcataca uyashcanguichic!