LEVÍTICO 2:3 - Dios Rimashcata Quillcashcami

³ Chai rupachishca puchu harinaca Diospacllami. Chaimantami Aaronman, paipac churicunaman cuna can.

LEVÍTICO 2:3 Iomraidhean Croise

ESDRAS 2:63

Chaimantami Judá llactata mandacca Urimhuan, Tumimhuan shuc cura Diosman tapushpa, imata huillangacaman Diosman cushca micunata ama micuchun mandarca.

ÉXODO 29:37

Canchis punzhacaman altar jahuapi ñucaman cushpa rupachingui. Chashna ruhuacpimi, ñucapaclla chicanyachishca altar saquiringa. Pipish chai altarpi tuparicca ñucapaclla chicanyachishcami saquiringa.

EZEQUIEL 44:29

Paicunaca ñucaman cushca grano ofrendata, juchacunamanta animalta cushcata, animalta rupachishcatami micunga. Israelcuna tucui ñucapaclla cachun chicanyachishcacunaca paicunapacmi canga.

EZEQUIEL 46:20

Chaimantaca: «Caipimi curacunaca juchamanta, mana allita ruhuashcamanta ñucaman cushca animal aichataca yanunga. Canzhaman mana llucchishpami, grano ofrendataca chai ucullapitac yanunga. Canzhaman llucshicpica, gentecuna ñucapaclla tucungami» nirca.

LEVÍTICO 10:15

Diosman cuyuchishpa cushca pecho aichatapish, alzashpa Diosman cushca changa aichatapish rupachina huirahuan tandachishpa, Mandac Diospac ñaupaman apamunguichic. Mandac Dios mandashca shinami, canpish, cambac huahua huahuacunapish tucui causaipi pactachina canguichic» nirca.

LEVÍTICO 14:13

Chai quipami maltón ovejataca juchamanta cushcata, tucui rupachinata rupachinallapitac huañuchinga. Pandarishcamanta Diosman cushcapish, juchamanta cushcapish Diospaclla chicanyachishcami can. Chaimantami animal aichataca cura japina can.

LEVÍTICO 2:10

Rupachishca puchushca harinaca Diospacllami. Chaimantami Aaronman, paipac churicunaman cuna can.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 5:13

Chashnami curaca maijan mana allita ruhuashpa juchacunata ruhuashcata perdonachun canga. Chai puchu harinataca curamanmi cuna can” ningui» nirca.

LEVÍTICO 6:26

Chaitaca juchamanta Diosman cushpa, rupachic curallatacmi Dios-huan tupana huasi canzha pambapi, Diospaclla chicanyachishca pushtupi micunga.

LEVÍTICO 6:9

«Aaronmanpish, paipac churicunamanpish ima shina tucui rupachinata huillai. Tucuita rupachina animalca pacaringacamanmi tucui tuta altar jahuapi rupana can. Ninapish tucui tutami rupashpa, pacarina can.

LEVÍTICO 7:7

Juchamanta animalta cushpa rupachic shinallatacmi pandarishcamantapish ruhuana can. Chaicunata ruhuangapacca shuclla mandashcami tiyan. Chai ofrendataca rupachic curami japinga.

LEVÍTICO 7:9

Grano ofrendaca hornopi cusashcapish, sartenpi, mana cashpaca callanapi cusashcapish rupachic curapacllatacmi canga.

NÚMEROS 18:9

Mana rupachishca ofrendacunaca ñucapaclla chicanyachishcami. Chaimantami chaicunataca can japingui. Grano ofrendapish, juchamanta cushcacunapish, mana cashpaca pandarishcamanta cushcacunapish ñucapacllami can. Chaimanta chaicunaca canmanpish, cambac churicunamanpishmi canga.

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.