LEVÍTICO 2:2 - Dios Rimashcata Quillcashcami

² Chaitaca Aaronpac churi curacunamanmi cunga. Chaitaca curami maqui junda alli harinahuan, aceitehuan, inciensohuan chapushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

LEVÍTICO 2:2 Iomraidhean Croise

NEHEMÍAS 13:14

Ñuca mañashpaca: «¡Ñuca Dioslla, chashna allicunata ruhuashcamantaca ñucata yuyaringuiyari! ¡Diospac huasipi cuyaihuan imata ruhuashcatapish, canta servishcatapish ama cungaringuichu!» nircani.

NEHEMÍAS 13:22

Chai quipami samana punzhaca Diospaclla chicanyachishca punzha cachun levitacunataca Diospaclla tucushpa, pungucunapi cuidac shamuchun mandarcani. Ñuca: «¡Dioslla, ñuca chashna ruhuashcacunataca yuyaringuiyari! ¡Canca llaquicmi cangui! ¡Chaimanta ñuca mana allita ruhuashcacunataca cungaringuiyari!» nircani.

ÉXODO 30:16

Israelcuna paicunapac causaimanta cushca cullquita japishpaca, ñucahuan tupana huasipi ima illashcata ruhuangapac japingui. Cai cullquita cucpimi, israelcuna causaimanta Mandac Dios ñucapac ñaupapi animalcunata cucpica, paicunata yuyarasha» nirca.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

LEVÍTICO 1:13

Curallatacmi chunzhullitapish, changa aichatapish yacuhuan jahuanga. Chashnami tucuita tandachishpa, altar jahuapi churashpa rupachinga. Chashna tucui rupachicpimi, Mandac Diosmanca mishquilla ashnanga.

LEVÍTICO 1:17

Curami alascunata ishcaipi pitinga. Shina pitishpapish mana tucui pitishpami altar jahuapi churashpa rupachinga. Chaimi Mandac Diosmanca mishquilla ashnanga.

LEVÍTICO 1:9

Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.

LEVÍTICO 2:16

Curaca yuyarina cachunmi, chai cutashcataca aceitehuan chapushpa, inciensohuan altarpi rupachinga. Chaica Mandac Diosman cushpa rupachishcami canga.

LEVÍTICO 2:9

Curallatacmi ashata japishpa, Mandac Diosman cushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

LEVÍTICO 24:7

Chai filacunapica imahuan mana chapushca alli inciensota churangui. Chai tandacunami yuyaringapac ñucaman cushpa, rupachishca canga.

LEVÍTICO 4:31

Dios-huan alli tucungapac cushca animalmanta llucchic shinallatacmi tucui chai animalpac huirata llucchinga. Chai huirataca curami Mandac Diosman mishquilla ashnachun, altar jahuapi rupachinga. Chashna rupachicpimi, Diosca juchacunata perdonanga.

LEVÍTICO 5:11

Mana ishcai urpita, mana cashpaca ishcai llullu palomata charishpaca, ishcai kilo yalli alli harinatami cuna can. Chai harinaca juchata pichachun Diosman cushcami. Chaimanmi chai harinapica aceitetapish, inciensotapish mana churana can.

LEVÍTICO 5:12

Chai harinataca curamanmi cunga. Paimi chaitaca maqui jundata japishpa, Diosman cushcacunahuan tandachishpa, yuyarina cachun, altar jahuapi rupachinga. Chaica juchata pichachun Diosman cushcami canga.

LEVÍTICO 6:15

Curami chai ofrendamanta asha harinata maquipi japishpa, aceitehuan, inciensohuan altar jahuapi churashpa, yuyarina cachun rupachinga. Chaimi Mandac Diosmanca mishquilla ashnanga.

NÚMEROS 5:18

Chaimantaca curami huarmitaca Mandac Dios ñucapac ñaupapi uma acchata cacharinga. Juchallishcamanta cuna ofrendatami chai huarmipac maquipi churanga. Chai ofrendami juchallishcatapish, mana juchallishcatapish ricuchinga. Cutin curaca llaquichic jayac yacutami maquipi charicunga.

NÚMEROS 5:26

Chai quipami chai yuyarichic ofrendata japishpa, altar jahuapi rupachinga. Chai quipaca chai yacutaca huarmimanmi ubiachinga.

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.