LEVÍTICO 19:32 - Dios Rimashcata Quillcashcami

³² Yurac uma taitapac ñaupapi paita alli nishpa shayaringuichic. Ñucami Mandac Dios cani.

LEVÍTICO 19:32 Iomraidhean Croise

GÉNESIS 31:35

Shina mashcacucpimi, Raquelca paipac taitataca: —Ñuca taitalla, quilla ungüihuan cashcamantami cambac ñaupapi mana jatari pudini, chaimanta ama piñaringuichu— nirca. Labanca tucuita mashcashpapish mana tarircachu.

GÉNESIS 48:12

Joseca ishcai churicunata taitapac changamanta anchuchishpami, pambacaman cumurirca.

1 REYES 2:19

Chai quipami Betsabeca jatun mandac Salomonhuan, Adoniasmanta parlangapac rirca. Shina chayacpimi, jatun mandacca chasquingapac jatarishpa, paipac ñaupapi cumurirca. Chai quipaca, pai mandashpa tiyacushcapi cutin tiyarishpami, paipac mama tiyarichun shuc tiyarinata apamucpica, paipac alli ladomanmi tiyachirca.

2 REYES 17:36

Chaipac randica jatun poder ñuca maquihuan, Egipto llactamanta llucchimuc Mandac Dios ñucatami manchana, alli nina canguichic. Ñucamanmi animalcunata cushpa huañuchina canguichic.

JOB 32:4

Eliuca quipa huiñai cashcamantami caishuc yuyac runacuna Jobhuan parlangacaman upalla shuyacurca.

JOB 32:6

Chaimantami Buz llactamanta Beraquielpac churi Eliuca: «Ñucaca quipa huiñaimi cani. Cancunaca yuyaccunami canguichic. Chaimantami cancunata manchashpa ñuca ima yuyacushcatapish manarac nircani.

PROVERBIOS 16:31

Runaca cashcata ruhuashpa causashpami, coronata chasquic shina yuyacyan.

PROVERBIOS 20:29

Mosocunapac sumaimanaca paicuna sinchi cashcami can. Yuyaccunapac sumac canaca yurac accha canami can.

PROVERBIOS 23:22

Cambac quiquin taitataca cazungui. Cambac mama yuyacyacpica ama millanguichu.

ISAÍAS 3:5

Gentecunaca cuchullapi causaccunapurallatacmi caishuc chaishuc macanacunga. Huambracuna jatarishpami yuyaccunataca llaquichinga. Yanga runacunami jatarishpa alli nishca runacunata llaquichinga.

LAMENTACIONES 5:12

Mandaccunataca maquipi huatashpami huarcurca. Yuyaccunatapish mana cazurcachu.

LEVÍTICO 19:14

Ringri mana uyac runata ama llaquichinguichu. Ñahui mana ricuc runa purinapi ama ima mitcarinata churanguichu. Chaipac randica, cambac Diosta manchangui. Ñucami Mandac Dios cani.

ROMANOS 13:7

Imata debishpaca pagaichic. Imata pagana cacpica pagaichic. Impuestota cuna cacpica cuichic. Maijanta cazuna cacpica, cazuichic. Maijanta alli nina cacpica, alli nichic.

1 TIMOTEO 5:1

Ñaupa huiñai taitacunata rimashpaca, ama sinchita rimanguichu, ashtahuanpish quiquin taitata shina cunangui. Quipa huiñaicunataca, quiquin huauquita shina rimangui.

1 PEDRO 2:17

Tucuihuan alli caichic, criccunata cuyaichic, Diostaca manchaichic, shinallatac llactacunata jatun mandac-huanpish alli caichic.