LEVÍTICO 19:19 - Dios Rimashcata Quillcashcami

¹⁹ Ñuca mandashcacunata cazungui. Cambac animalcunata ama chican animalhuan chayachinguichu. Cambac allpapipish ama tucuilaya muyucunata chapushpa tarpunguichu. Tucuilaya puchcahuan ahuashca churanatapish ama churaringuichu.

LEVÍTICO 19:19 Iomraidhean Croise

GÉNESIS 36:24

Zibeonpac churicunaca: Ayía, Anami carca. Cai Aná runami paipac taita Zibeonpac burrocunata michicushpa, shitashca pambapi yacu tucyacucta tarirca.

2 SAMUEL 13:29

Absalonta serviccunaca pai nishca shinallatacmi Amnontaca ruhuarca. Shina ruhuacpimi, jatun mandacpac tucui churicuna jatarishpaca mulacunapi montashpa miticushpa rirca.

2 SAMUEL 18:9

Absalonca mulapi montashpa ricushpami, Davidta serviccunahuan tuparca. Chaipimi mulaca encina yura ramacuna huatarishca ucuta rirca. Chaita ricpimi, Absalonca sacha ramacunapi uma churarishpa huarcurishca saquirirca. Pai ricushca mulaca rircallami.

1 REYES 1:33

jatun mandacca: —Cunanca, cancunapac amo ñucata serviccunata tandachishpa, ñuca churi Salomontaca ñuca tiyarina mulapi tiyachishpa, Gihón yacu junduman pushaichic.

ESDRAS 2:66

Paicunapac caballocunaca canchis patsac quimsa chunga suctami carca. Mulacunaca ishcai patsac chuscu chunga pichcami carca.

LEVÍTICO 18:4

Ñuca mandashcacunata, ñuca yachachishcacunata cazushpa, pactachishpa causanguichic. Ñucami cancunata Mandac Diosca cani.

LEVÍTICO 19:37

Ñuca quillcachishpa mandashcacunatapish, ñuca yachachishcacunatapish yuyarashpa pactachinguichic. Ñucami Mandac Dios cani” ninmi ningui» nirca.

LEVÍTICO 20:8

Ñuca mandashcacunataca pactachinguichic. Ñucami jucha illacta ruhuashpa, chicanyachic Mandac Dios cani.

LEVÍTICO 22:31

Ñuca mandashcacunataca tucuita pactachinguichic. Ñucaca Mandac Diosmi cani.

LEVÍTICO 25:18

Ñuca mandashcacunata cazushpa, ñuca nishcacunata pactachinguichic. Chaita ruhuashpaca, imata mana manchashpami, chai llactapica causanguichic.

SAN LUCAS 5:36

Shinallatac chimbapurashca parlohuan Jesús parlashpaca: —Pipish mushuc churanata lliquishpa, mauca churanata mana remendanchu. Chashna ruhuacpica, mushuc remiendohuanca mana alli saquirinmanchu. Mushucca maucapica mana alli ricurinmanchu.

ROMANOS 11:6

Diosca paicunataca mana ima allita ruhuashcamantachu acllashca. Ashtahuanpish cuyaillamantami acllarca. Paicuna allita ruhuashcamanta acllashca cacpica, Diospac cuyaica yangallami canman.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:5

Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.