LEVÍTICO 19:17 - Dios Rimashcata Quillcashcami

¹⁷ Shuccunata ama cambac shungupi piñanguichu. Ashtahuanpish maipi pandaricushcata ricuchishpa cunangui. Mana cunashpaca juchayucmi tucungui.

LEVÍTICO 19:17 Iomraidhean Croise

GÉNESIS 27:41

Esauca Jacoboman paipac taita bendicionta cushcamantami paita mana ricunayachishpaca: «Ñallami ñuca taita Isaacca huañunga. Pai huañucpica, Jacobotapish huañuchishami» nishpami yuyacurca.

2 SAMUEL 13:22

Cutin Absalonca ima allitapish, mana allitapish imata mana nircachu. Shina cashpapish paipac panita chaita ruhuashcamantaca piñacmi carca.

NEHEMÍAS 13:17

Chaita ricushpami, Judá llacta mandaccunataca: «¿Ima nishpatac samana punzhata yangata ruhuashpa, millaita ruhuacunguichic?

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

PROVERBIOS 9:8

Burlashpa rimaric runataca ama jarcashpa rimaichu. Paica piñaringami. Chaipac randica yuyaisapa runata alli tucuchun rimai. Paica canta cuyangami.

SAN LUCAS 17:3

¡Allita cuidaringuichic! Maijan canta ima mana allita ruhuacpica cunashpa rimangui. Chaita uyashpa alli tucucpica, perdonangui.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

1 CORINTIOS 5:2

¿Chashna cashca jahuachu jatun tucunguichic? ¡Chaipac randica, llaquirishpami chai huacllirictaca cancunapuramanta llucchishpa cachana canguichic!

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

TITO 1:13

Chashna nishpaca, cashcatatacmi nirca. Chaimantami chai pandachiccunataca cashcata criccuna cachun, sinchita rimana can.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

1 JUAN 2:11

Ashtahuanpish huauquita maijanpish piñacca amsapimi puricun, shinallatac amsallapitacmi causacun. Chai amsallatac ñahuita mana ricucta ruhuacpimi maiman ricushcatapish mana yachashpa causacun.

1 JUAN 2:9

Maijanpish ñucaca achic luzpimi cani nishpapish huauquita piñashpaca, amsapirami causacun.