LEVÍTICO 19:16 - Dios Rimashcata Quillcashcami

¹⁶ Cambac llactapi ama huashalla parlashpa puringuichu. Pitapish piñashpa, ama huañuchina yuyaihuan puringuichu. Ñucami Mandac Dios cani.

LEVÍTICO 19:16 Iomraidhean Croise

JOB 17:5

Maijanpish imata japishpa paicunapac ricsishcacunata llaquichichun huillacca paicunapac huahuacuna huañuctami ricunga.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 15:3

paipac calluhuan mana pita llaquichic, shuccunata ima llaquita mana ruhuac, paipac vecinota mana piñachicmi chaipica causanga.

SALMOS 50:20

Cambac huauquillatatac huashalla rimangapacmi tiyaringui. Cambac mamapac huahuallatatacmi llaquichingui.

ÉXODO 20:16

Ama yanga pitapish juchanchishpa llaquichingui.

ÉXODO 23:1

Ama llullashpa rimanguichu. Ñucata mana cazuccunata ayudangaraicu ama llullanguichu.

ÉXODO 23:7

Ama llullashpa rimanguichu. Cashcata ruhuac, mana faltayuc runata ama huañuchinguichu. Ñucata mana manchac runataca mana cashcata ruhuacmi nishachu.

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

PROVERBIOS 11:13

Rimarishpalla puric runaca mana parlana cashcatapish parlanllami. Ashtahuanpish alli runaca paipac shungullapimi tucuita pacalla charin.

PROVERBIOS 20:19

Huashalla parlac runaca shungupi tiyacushcatami llucchichin. Imatapish rimac runahuanca pacta tandaringuiman.

JEREMÍAS 6:28

Tucui paicunami ñucata mana cazushpa, huashalla parlanacushpa purincuna. Paicunaca bronce shina, fierro shinami tucushca. Paicunaca ismushca shina millaicunami.

JEREMÍAS 9:4

Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

EZEQUIEL 22:9

Maijancunaca yanga juchanchishpami huañuchincuna. Lomacunapi tiyac altar ladopi micushpami, millaita ruhuancuna.

SAN MATEO 27:4

Paica: —Mana faltayuc runata japichishpaca, juchallishcanimi— nirca. Chashna nicpimi paicunaca: —Ñucanchicmanca, ¿imatac curinyari? Chaitaca canchari ricungui— nirca.

DEUTERONOMIO 27:25

Cutin: “¡Mana faltayuc runata huañuchingapac cullquita japicca, llaqui tucushca cachun!” nicpica, tucui gentecunami: “¡Chashna cachun!” ninga.

1 TIMOTEO 3:11

Shinallatac huarmicunapish tucuipac alli nishca, mana huashalla parlac, alli yuyaita charic, imapipish allita ruhuaccunami cana can.

2 TIMOTEO 3:3

cuyaita mana chariccuna, mana llaquiccuna, mapa yuyaicuna shamucpi mana jarcariccuna, imatapish parlariccuna, shuccunata mana allichu niccuna, imapish allicunata piñaccuna,

TITO 2:3

shinallatac ñaupa huiñai huarmicunatapish alli nishca cachun, mana huashalla parlaric, mana machac, ashtahuanpish allita yachachic cachun yachachingui.

1 PEDRO 2:1

Chaimanta tucuilaya millaicunatapish, llullashpa crichinatapish, shuccuna shina casha ninatapish, mishqui shimi canatapish, shinallatac tucuilaya mana allita parlanacunatapish saquishpa,

1 SAMUEL 24:10

Riqui, cai machaipi Mandac Dios canta ñuca maquipi churashcataca canllatac ricurcanguimi. Canta huañuchichun nicpipish ñucaca: “Ñuca amoca Mandac Dios acllashpa aceitehuan cahuishcami. Chaimanta ñucaca mana huañuchishachu” nishpami cantaca mana huañuchishpa saquircani.