LEVÍTICO 18:3 - Dios Rimashcata Quillcashcami

³ Cancuna causashca Egiptopi causaccuna shina, shinallatac cancuna causagricushca Canaán llactapi causaccuna shina, ama ruhuanguichicchu. Ama paicunapac mandashcacunata catinguichicchu.

LEVÍTICO 18:3 Iomraidhean Croise

2 REYES 17:8

Israelcunapac ñaupamanta llucchishpa cachashca gentecuna ruhuashca shinallatac, utcapi Israel llactata mandaccuna ruhuashca shinallatacmi ruhuashpa catircacuna.

SALMOS 106:35

Chaipac randica chai gentecunahuan tandarishpami mana allita ruhuanata yachacurcacuna.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

EZEQUIEL 23:8

Egiptopi huainayanata callarishcataca manatac saquircachu. Paihuanca huambramanta pachami huainayarca. Paipac chuchuta japirishpami yallita munarirca.

LEVÍTICO 20:23

Cancunapac ñaupamanta ñuca llucchishpa cachagricuc gentecuna shinaca, ama causanguichicchu. Paicunataca yalli millaita ruhuashcamantami millanayachishpa, llucchishpa cacharcani.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

DEUTERONOMIO 12:4

Cancunaca chai runacuna shinachu, Mandac Diosta servina canguichic.

DEUTERONOMIO 29:17

Chai llactapi causaccuna millaita ruhuac cashcatapish, caspimanta, rumimanta, cullquimanta, curimanta ruhuashca dioscunata charictapish ricurcanguichicmi.

DEUTERONOMIO 9:4

Mandac Dios cancunapac ñaupamanta catishpa cachacpica, pacta cancunaca: “Ñucanchic allita ruhuashcamantami Mandac Diosca cai llactata cungapac pushamushca” yuyanguichicman. Ashtahuanpish chai llactapi causaccuna mana allita ruhuashcamantami Mandac Diosca llucchishpa cacharca.