LEVÍTICO 18:25 - Dios Rimashcata Quillcashcami

²⁵ Paicuna causacuc llactapish yallitami mapa tucurca. Chaimantami ñuca chai llactata llaquichingapac shamucpica, allpapish arcadac shina llucchishpa shitarca.

LEVÍTICO 18:25 Iomraidhean Croise

1 REYES 21:26

Paica amorreocuna shinami ruhuashcalla dioscunata catishpa, millanayaita ruhuashpa causarca. Amorreocunataca chashna millaita ruhuaccuna cacpimi, Mandac Diosca israelcunapac chaupimanta llucchishpa cacharca.

ESDRAS 9:11

Chai mandashcacunataca can Diosmi, can ima nishcata huillac canta serviccunata huillachishpaca: “Cancuna causangapac japigricushca llactaca chai llactapi causaccuna yallita mapayachishcamantami mapa junda tucushca. Caishuc ladomanta chaishuc ladocamanmi mapa junda.

SALMOS 106:38

Mana faltayuc runapac, paicunapac churicunapac, ushicunapac yahuarta jichashpami Canaán llacta yanga dioscunaman huañuchishpa curca. Chai yahuarhuanmi llactaca mapayarca.

SALMOS 89:32

chashna ñucata mana cazushpa, millaita ruhuashcamantaca varahuan azotishpami llaquichisha.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

ISAÍAS 26:21

Riquichic, Mandac Diosca cai pachapi causaccuna paita piñashpa, mana allita ruhuashcamantami llaquichingapac jatarigrin. Allpapish paipac jahuapi huañuchishpa, yahuarta jichashcata ricuchingami. Paipac jahuapi huañuchishcataca mana ashtahuan pacangachu» nirca.

JEREMÍAS 14:10

Mandac Dios chai llactamanta rimashpaca: «Paicunaca mana shaicushpa juchata ruhuanallata, caiman chaiman puricunallatami munan. Chaimantami paicunataca mana chasquini. Cunanmi paicuna juchacunata ruhuashcata yuyarishpa llaquichigrini» ninmi.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

JEREMÍAS 2:7

Ñucami allita micushpa causachun alli grano pucuc allpaman pushamurcani. Ashtahuanpish cancuna chaiman yaicushpaca ñuca llactata mapayachircanguichicmi. Millanatami ruhuarcanguichic.

JEREMÍAS 23:2

Chaimantami israelcunata Mandac Diosca ñuca llactamanta gentecunata michiccunataca: «Cancunaca, ñuca ovejacunata cuidanapac randica, manchachishpami caita chaita cachanguichic. Uyaichic, cancuna mana allita ruhuashcamantami llaquichigrini,

JEREMÍAS 5:29

Chaimantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 5:9

Chai juchamantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 9:9

Chashna ruhuacushcamantaca, ¿manachu llaquichina cani? Chai llacta chashna ruhuashcamantaca, ¿manachu ñucapish chashnallatac ruhuana cani? Chaitaca Mandac Dios ñucami nini.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

OSEAS 9:9

Gabaa llactapi causaccuna shinallatacmi yallita millaita ruhuashpa causarca. Cunanca, paicuna mana allita ruhuashcata Mandac Dios yuyarishpami llaquichinga.

LEVÍTICO 18:26

Cancunaca ñuca mandashcacunata, ñuca yachachishcacunatami pactachina canguichic. Israelcunapish, shuctac llactamanta shamushpa cancunahuan causaccunapish cai gentecuna shina, millaitaca ama ruhuanguichicchu.

LEVÍTICO 18:28

Pacta cancunatapish punta cai llactapi causaccunata arcadashpa shitac shina, millaita ruhuashcamantaca shitanman.

ROMANOS 8:22

Tucui Dios ruhuashcacuna, shuc huarmi sajuarina nanaihuan, llaquihuan cunancaman caparicushcatami yachanchic.

DEUTERONOMIO 18:12

Chai shina millaita ruhuaccunaca Mandac Diospac millanayachinmi. Chaimantami Mandac Diosca chai llactamanta llucchishpa cachanga.

DEUTERONOMIO 21:23

mana tucui tuta sachapi huarcushca saquirinachu can. Chai huañushcataca Dios maldiciashca cashcamantami chai punzhallatac enterrana can. Chashna ruhuashpami Mandac Dios cancunaman cushca allpataca mana mapayachinguichic.

DEUTERONOMIO 9:5

Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.