LEVÍTICO 18:24 - Dios Rimashcata Quillcashcami

²⁴ Caicunata ruhuashpa, imapipish ama mapayanguichu. Cancunapac ñaupamanta llucchishpa cachashca gentecunaca caicunata ruhuashpami, llactata mapayachirca.

LEVÍTICO 18:24 Iomraidhean Croise

GÉNESIS 15:16

Cambac huahua huahuacunaca chuscu cutincaman huahua huahuacuna tucushca quipami, caiman cutimunga. Chaicamanca amorreocunaca manarac yalli millai tucungachu— nirca.

1 REYES 9:7

ñucami israelcunataca paicuna causachun ñuca cushca llactamanta llucchishpa cachasha. Shinallatac ñuca shutipi mañana ñucapac cachun chicanyachishca cai huasitapish ñuca ñaupamanta anchuchishami. Chashna ruhuacpimi, israelcunataca shuc llactacunapi causaccunaca parlanacushpa asingacuna.

2 CRÓNICAS 33:2

Ashtahuanpish Mandac Diospac ñaupapica mana allita ruhuashpami, israelcunapac ñaupamanta Mandac Dios llucchishpa cachashca gentecuna shinallatac juchata ruhuashpa causarca.

ESDRAS 9:1

Tucui chaicuna tucushca quipami israelcunata mandaccuna ñucapacman shamushpaca: «Israelcunapish, curacunapish, levitacunapish cai llactapi causac cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, Egipto runacunamanta, amorreocunamanta mana chicanyarishpami paicuna shinallatac millanayai juchacunata ruhuashpa causacuncuna.

SALMOS 106:39

Chashnami paicunaca mana allita ruhuashpa mapayarcacuna. Chai ruhuashcacunahuanmi huainayashca shina tucurcacuna.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

EZEQUIEL 36:17

«Huañunalla runa, israelcunaca paicunapac llactapi causacushpaca, juchacunata ruhuashpami mapayarca. Paicunapac ruhuashcaca ñucapac ñaupapica quilla ungüihuan mapayashca huarmi shinami carca.

LEVÍTICO 18:3

Cancuna causashca Egiptopi causaccuna shina, shinallatac cancuna causagricushca Canaán llactapi causaccuna shina, ama ruhuanguichicchu. Ama paicunapac mandashcacunata catinguichicchu.

LEVÍTICO 18:30

Cancunaca ñuca nishcata yuyarirashpa pactachinguichic. Pacta cancuna manarac cai llactaman shamucpi, causaccuna shina millaita ruhuashpa mapayanguichicman. Ñucami cancunata Mandac Diosca cani” ninmi ningui» nirca.

NÚMEROS 35:34

Cancuna causacushca llactataca ama mapayachinguichicchu. Ñucapish chai llactapimi cancunahuan causacuni. Mandac Dios ñucaca israelcunapac chaupipimi causani” ninmi ningui» nirca.

1 CORINTIOS 3:17

Chaimanta Dios causana huasica paipacllami. Maijanpish Diospac huasita urmachictaca, paitapish Diosca urmachingami. Chai huasica cancunallatacmi canguichic.

DEUTERONOMIO 12:31

Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

DEUTERONOMIO 18:12

Chai shina millaita ruhuaccunaca Mandac Diospac millanayachinmi. Chaimantami Mandac Diosca chai llactamanta llucchishpa cachanga.

DEUTERONOMIO 9:4

Mandac Dios cancunapac ñaupamanta catishpa cachacpica, pacta cancunaca: “Ñucanchic allita ruhuashcamantami Mandac Diosca cai llactata cungapac pushamushca” yuyanguichicman. Ashtahuanpish chai llactapi causaccuna mana allita ruhuashcamantami Mandac Diosca llucchishpa cacharca.

DEUTERONOMIO 9:5

Mana cancuna cashcata ruhuac, shungupi allita yuyac cashcamantachu cai llactata japigringuichic, ashtahuanpish chai llactapi causaccuna mana allita ruhuashcamantami llucchishpa cacharca. Mandac Dios cancunapac ñaupa taita Abrahamman, Isaacman, Jacoboman cungapac ari nishcata pactachingapacmi chashnaca ruhuagrin.

JUECES 20:10

Tucui Israel aillumantaca patsacmantaca chungata, huarangamantaca patsacta, chunga huarangamantaca huaranga runacunata, micunata mashcachun cachashunchic. Cutin shuccunaca Gabaa pueblopi causac Benjamín aillucuna Israel llactapi jatun mancharina millaita ruhuashcamanta paicunatapish chashnallatac ruhuachuncuna— nirca.

JUECES 20:5

Chaipi samaricucpimi, Gabaa pueblopi causaccunaca tuta ñucata huañuchingapac chai huasita muyunacurca. Paicuna ñuca caishuc huarmita japishpa yallita llaquichicpimi, paica huañurca.

JUECES 20:6

Chashna ruhuashpaca cai Israel llactapica jatun mancharina millaitami ruhuashca. Chaimantami chai huañushca huarmitaca pitinacushpa tucui Israel gentecuna yachachun chai llactaman cacharcani.