LEVÍTICO 17:6 - Dios Rimashcata Quillcashcami

⁶ Chai animalpac yahuartaca curallatacmi ñucahuan tupana huasi pungu pambapi Mandac Diospac altarpi chirapanga. Huiratapish chai altar jahuallapitacmi rupachinga. Chashna rupachicpimi, Mandac Diosman mishquilla ashnanga.

LEVÍTICO 17:6 Iomraidhean Croise

ÉXODO 29:13

Yana shunguta, chunzhullita tapashca huiratapish, ishcai riñón huiratapish llucchishpa, altar jahuapi rupachingui.

ÉXODO 29:18

Chai oveja aichataca Altar jahuapi churashpa, ñucaman cushpa, rupachingui. Chashna rupachishcami ñucamanca mishquilla ashnanga.

EZEQUIEL 44:15

Ashtahuanpish Sadoc curapac huahua huahua levita curacunaca, israelcuna ñucamanta caruyacpipish ñuca huasipi servishpami catirca. Chaimantami paicunaca ñucapaclla huasipi, ñucapac ñaupapi servishpa catinga. Ñucaman cushca huiratapish, yahuartapish ñuca ñaupapimi rupachinga. Chaitaca Mandac Dios ñucami nini.

LEVÍTICO 17:5

Israelcunaca mana maipipish animalta huañuchinachu. Mandac Dios-huan tupana huasi yaicunaman apamushpami curaman cuna cana. Paimi ñucahuan alli tucungapac cuna animaltaca huañuchinga.

LEVÍTICO 3:11

Chashnami curaca altar jahuapi rupachinga. Tucui chaicunaca Mandac Diosman cushpa rupachishcami canga.

LEVÍTICO 3:13

chai chivopac umapi maquita churashpa, Dios-huan tupana huasi ñaupapi huañuchina can. Chai yahuartaca Aaronpac churi curacunami altar jahua muyundipi chirapanga.

LEVÍTICO 3:16

Chaicunataca curami altar jahuapi rupachinga. Chaicunaca micuna ofrendami canga. Chaicunata rupachishcami Diosmanca mishquilla ashnanga. Tucui chaicunaca Mandac Diosman cushcami canga.

LEVÍTICO 3:2

Chai huagra umapi paipac maquita churashpami, Dios-huan tupana huasi yaicunapi huañuchinga. Chai quipaca Aaronpac churi curacunami yahuartaca altar muyundipi chirapanga.

LEVÍTICO 3:5

Chaicunataca Aaronpac churi curacunami tucui rupachina ofrendahuan altar jahuapi rupachinga. Chaimi Mandac Diosmanca mishquilla ashnanga.

LEVÍTICO 3:8

chai oveja umapi maquita churashpa Dios-huan tupana huasi ladopi huañuchinga. Aaronpac churi curacunami chai yahuartaca altar muyundipi chirapanga.

LEVÍTICO 4:31

Dios-huan alli tucungapac cushca animalmanta llucchic shinallatacmi tucui chai animalpac huirata llucchinga. Chai huirataca curami Mandac Diosman mishquilla ashnachun, altar jahuapi rupachinga. Chashna rupachicpimi, Diosca juchacunata perdonanga.

NÚMEROS 18:17

Shina cacpipish, punta vaca cacpi, oveja cacpi, chivo cacpica, cullquita cushpa mana saquichi pudinguichu. Chaicunaca ñucapaclla chicanyachishcami. Chai animalcunataca huañuchishpa yahuarta altarpi chirapangui. Cutin huirataca ñucaman mishquilla ashnachun rupachingui.