LEVÍTICO 17:16 - Dios Rimashcata Quillcashcami

¹⁶ Ashtahuanpish mana armarishpa, churanatapish mana tacshashpa juchallicca llaquitami apanga» nirca.

LEVÍTICO 17:16 Iomraidhean Croise

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

LEVÍTICO 18:1

Mandac Dios Moisesta rimashpaca:

LEVÍTICO 19:8

Maijanpish chaita micushpa, ñucapaclla chicanyachishcata yangata ruhuac runaca mana alli nishcami canga. Israelcunapuramantapish anchuchishcami canga.

LEVÍTICO 20:17

Maijanpish taitamanta panihuan, mamamanta panihuan chayarinacushpaca mancharina pingaitami ruhuan. Chaimantaca paicunapac llacta gentecuna ricucucpi, ishcaitac huañuchishcami canga. Quiquin panihuan mancharina pingaita ruhuashpaca paillatacmi juchata aparinga.

LEVÍTICO 5:1

Maijanpish imata ricushca cashpa, mana cashpaca uyashca cashpa, chaita mana huillashpaca juchayucmi tucun.

LEVÍTICO 7:18

Dios-huan alli tucungapac cushca animal aichata quimsa punzhacaman huacaichishpa micucpica, pai cushcataca Diosca mana chasquingachu, mana yuyaringachu. Chai aichataca mana micunachu, chaita micucca juchayucmi tucun.

SAN JUAN 13:8

Shina nicpimi Pedroca: —¡Jaicapi ñuca chaquita jahuachun, mana saquishachu!— nirca. Shina nicpimi Jesusca: —Cambac chaquita ñuca jahuachun, mana saquishpaca, mana ñuca yachacucchu cangui— nirca.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.