LEVÍTICO 17:13 - Dios Rimashcata Quillcashcami

¹³ Israelcunapuramantapish, shuctac llacta runa cancunapurapi causacpuramantapish ima animalta, mana cashpaca volac animalta japishpaca, yahuarta tucui llucchishpa, allpapi pambana.

LEVÍTICO 17:13 Iomraidhean Croise

JOB 16:18

¡Allpalla, ñuca yahuartaca ama tapaichu! ¡Can tapacpica, ñuca caparinapish illangami!

PROVERBIOS 6:26

Cullquimanta huainayac huarmihuan puric runaca, pitishca tanda shinami saquiringa. Cusayuc huarmihuan puric runaca paipac valishca causaitami chingachin.

EZEQUIEL 24:7

Cai llactaca yahuarpi cahuirishcami. Chai yahuarta allpa tapachunpish mana allpapi tallircachu, ashtahuanpish llambuclla rumi jahuapimi tallishca.

LEVÍTICO 17:12

Chaimantami ñucaca israelcunataca: Maijan israelcunapish, mana cashpaca shuctac llacta runa cancunapurapi causacpish, yahuartaca mana micunachu nircani.

LEVÍTICO 7:26

Chaimanta cancuna maipi causashpapish volac animal yahuarta, sacha animal yahuartaca ama micunguichicchu.

DEUTERONOMIO 12:16

Yahuarllata ama micunguichic, yahuartaca yacuta shina, allpapi tallinguichic.

DEUTERONOMIO 12:24

Ama yahuartaca micunguichicchu, ashtahuanpish yacuta tallic shinami, allpapi tallina canguichic.

DEUTERONOMIO 15:23

Yahuartaca ama micunguichicchu, ashtahuanpish yacuta shinami allpapi tallina canguichic.