LEVÍTICO 17:10 - Dios Rimashcata Quillcashcami

¹⁰ Israelcunapuramanta, mana cashpaca shuctac llactamanta cancunapurapi causacpuramanta yahuarta micucpica, mana ricunayachishpami israelcunapuramanta anchuchisha.

LEVÍTICO 17:10 Iomraidhean Croise

GÉNESIS 9:4

Aichataca ama yahuarndi micunguichicchu. Yahuarmi causaitaca cun.

2 SAMUEL 23:17

«Cai runacuna huañunatapish mana manchashpa apamushca yacuca paicunapac yahuar shinami. ¡Mandac Dioslla, cai yacuta ubianataca jarcayari!» nirca. Chashna nishpami, mana ubiasha nirca. Chai yacutaca chai quimsa sinchi runacunami apamurca.

SALMOS 34:16

Mandac Diosca millaita ruhuaccunataca piñanmi. Paicunapac shuticunata pipish ama yuyarichunmi cai pachamanta chingachin.

ÉXODO 30:33

Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.

JEREMÍAS 21:10

Ñucaca cai llactataca allita ruhuanapac randica, llaquichinatami yuyarircani. Babilonia llactata jatun mandacpac maquipimi churagrini. Paimi rupachishpa tucuchinga” ninmi.

JEREMÍAS 44:11

Chaimantami israelcunapac tucuita Mandac Diosca: Cancunata yallita llaquichinata, Judá llactapi causaccunata tucuchinatami yuyarircani.

EZEQUIEL 14:8

Chai runata chashna llaquichishpami tucuipac yuyarina cachun, shuc señalta ruhuasha. Chashnami ñuca acllashcapuramanta anchuchisha. Shina ruhuacpimi, ñucataca Mandac Dios cashcata yachanguichic.

EZEQUIEL 15:7

Paicunata llaquichingapacmi shayarisha. Ninamanta quishpirishca cacpipish, ninallatacmi tucuchinga. Paicunata chashna piñarishpa llaquichicpimi ñucataca Mandac Dios cashcata yachanguichic.

EZEQUIEL 33:25

Chaimantami canca: “Mandac Diosca: Cancunaca aichatapish yahuarndimi micunguichic. Ruhuashcalla dioscunata adoraccunapish, huañuchiccunapishmi canguichic. ¿Chashna cashca jahuachu llactataca japishunllami nicunguichic?

EZEQUIEL 44:7

Cancunaca shungupipish, aichapipish circuncisionta mana ruhuashca caru llacta gentecunatami ñuca huasiman yaicuchishpa mapayachircanguichic. Shinallatac huiratapish, yahuartapish, tandatapish cushpa rupachishpami, ñucahuan ari nishcata yangapi churarcanguichic.

LEVÍTICO 17:11

Causaiyucca yahuarmantami causan. Yahuartaca ñucami cancunapac juchamanta altar jahuapi chirapachun curcani. Chai yahuarllamantami gentecunaca juchamanta perdonashca canga.

LEVÍTICO 19:26

Imatapish ama yahuarndi micunguichu. Brujo canatapish, adivino canatapish ama munanguichicchu.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

AMÓS 9:4

Paicunata piñaccuna prezushpa charicucpipish, espadahuan huañuchichunmi cachasha. Ñucaca paicunaman allita ruhuangapac ricunapac randica, llaquichingapacmi ricusha» nirca.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

HECHOS 15:29

Ruhuashcalla dioscunaman cushca ofrendatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu. Caicunata cazushpaca, allitami ruhuanguichic. Allilla cashca cachun» nishpami quillcarca.

DEUTERONOMIO 12:16

Yahuarllata ama micunguichic, yahuartaca yacuta shina, allpapi tallinguichic.

DEUTERONOMIO 12:23

Yahuarllata ama micunguichic. Yahuarmi causaita cun. Chaimantami aichataca yahuar illacta micuna canguichic.

DEUTERONOMIO 15:23

Yahuartaca ama micunguichicchu, ashtahuanpish yacuta shinami allpapi tallina canguichic.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

1 SAMUEL 14:32

Chaimantami soldadocunaca chai quichushca ovejacunata, vacacunata, becicunata huañuchishpa aichataca yahuarndi micurcacuna.

1 SAMUEL 14:33

Chaita ricushpami Saulman huillashpaca: —¡Gentecunaca aichata yahuarndi micushpami Mandac Diosta mana cazushpa juchallicuncuna!— nishpa huillarca. Shina huillacpimi Saulca: —¡Cancunaca mana cazuccunami canguichic! Shuc jatun rumita tangashpa caiman apamuichic— nirca.