LEVÍTICO 16:34 - Dios Rimashcata Quillcashcami

³⁴ Caicunaca huatanta shuc cutin israelcunapac juchata pichachun animalta cuchun mandashcami. Caitaca huiñaitami ruhuana can» nirca. Moisesca Mandac Dios mandashca shinallatacmi ruhuarca.

LEVÍTICO 16:34 Iomraidhean Croise

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

ÉXODO 30:10

Cai altarca ñucapaclla chicanyachishcami canga. Chaimantami juchacunata perdonachunca, huatapi shuc cutin Aaronca animal yahuarta altar gachucunapi cahuinga. Shinallatac huatapi shuc cutinllami juchamantaca animal yahuarhuan cahuinga. Chaitaca huiñaitami ruhuana can» nirca.

ÉXODO 39:43

Mandac Dios mandashca shinallatac ruhuashcatami Moisesca ricurca. Chaita ricushpami bendiciarca.

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

LEVÍTICO 17:1

Mandac Diosca Moisestaca:

LEVÍTICO 23:28

Chai punzhaca juchata pichana punzhami. Chaimanta chai punzhapica ama trabajanguichicchu. Chai punzhapica cancunata Mandac Dios ñucapac ñaupapi cancunapac juchata pichachun ñucaman ofrendata cuna punzhami.

LEVÍTICO 23:31

Chaimanta chai punzhapica ama trabajanguichicchu. Cai mandashcacunaca cancunapac huahua huahuacuna maipi causashpapish huiñaita pactachichun mandashcami.

LEVÍTICO 24:23

Moisés tucui caicunata israelcunaman huillacpica, Diospac shutita mana alli nishpa rimactaca carpa huasimanta canzhaman llucchishpami, rumihuan shitashpa huañuchirca. Israelcunaca Mandac Dios ima shinami Moisesman nishca shinallatacmi ruhuarca.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

NÚMEROS 29:7

Canchis quilla, chunga punzhapica ñucapaclla tandanacuita ruhuashpami, shungupi llaquirina canguichic. Chai punzhapica ama ima trabajota ruhuanguichicchu.

HEBREOS 10:14

Paica shuc cutinlla huañushpami, huiñaipac paipaclla caccunata jucha illacta ruhuarca.

HEBREOS 10:3

Ashtahuanpish animalta Diosman cushpa rupachishpaca, huatantami juchayuc cashcata yuyarincuna.

HEBREOS 9:25

Jatun mandac curaca huatantami animal yahuarta Diosman cungapac Diospaclla chicanyachishca ucuman yaicun. Ashtahuanpish Jesusca mana cutin cutin yahuarta cungapacchu jahua pachamanca yaicurca.

HEBREOS 9:7

Ashtahuanpish chai quipa ucumanca jatun mandac curallami huatapi shuc cutin yaicuc carca. Paicunaca quiquin juchamantapish, gentecuna mana yachashcamanta juchata ruhuashcamantapish animalta huañuchishca yahuarta Diosman cungapacmi yaicuc carca.