LEVÍTICO 16:31 - Dios Rimashcata Quillcashcami

³¹ Chai punzhaca samarishpa, tucui shunguhuan llaquirina punzhami canga. Cai mandashcacunaca huiñaita chashnatac ruhuana mandashcami.

LEVÍTICO 16:31 Iomraidhean Croise

ESDRAS 8:21

Chai quipaca Ahava jatun yacu ladopi cashpami ñucanchictapish, ñucanchic huahuacunatapish, ñucanchic ima charishcacunatapish, ñanpi alli pushachun nishpa mana micushpa, llaquirishpa ñucanchic Diosta mañangapac yuyarircani.

ÉXODO 31:15

Sucta punzhatami trabajana. Ashtahuanpish canchisniqui punzhaca ñucapaclla chicanyachishca samana punzhami. Chaimantami chai punzhapica ñucata yuyarina canguichic. Maijanpish chai punzhapi imatapish ruhuacca huañuchishcami canga.

ÉXODO 35:2

“Sucta punzhata trabajanguichic. Canchisniqui punzhaca Diospaclla chicanyachishca punzhami. Chai punzhaca samarina punzhami. Maijanpish chai punzhapi imata ruhuacca huañungami.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

ISAÍAS 58:5

¿Shuc punzha ayunashpa llaquirichunchu acllarcani? ¿Carrizo shina cumurishpa, sharpa churanata churarishpa, uchupapi siririnachu cancunapac ayuno? ¿Cancunaca: “Chashna ayunashpami Mandac Diosta cushichinchic” ninguichicchari?

DANIEL 10:12

Shina shayaricpimi paica: “Daniel ama manchaichu. Chaicunata tucui shunguhuan yachacusha nishpa, Mandac Diospac ñaupapi cumurishpa mañashca punzhamanta pachami can mañashcataca uyashca. Can mañashcamantami ñucata cacharca.

LEVÍTICO 23:32

Chai punzhaca samarishpa, Mandac Dios ñucata yuyarina punzhami can. Chaimanta canchis quilla iscun punzha chishimanta cayandi chishicaman ayunanguichic» nirca.

LEVÍTICO 25:4

Ashtahuanpish canchisniqui huatapica, Mandac Dios ñucata alli ningapacmi imata mana tarpushpa, uvas chagratapish mana allichishpa, allpata samachina canguichic.