LEVÍTICO 16:21 - Dios Rimashcata Quillcashcami

²¹ Chai chivopac uma jahuapi maquita churashpami, tucui israelcuna juchallishcatapish, millaita ruhuashcapish huillanga. Chashnami chivopac uma jahuapi juchacunata churashpa, shitashca pambapi cacharichun, chaipac acllashca runata cachanga.

LEVÍTICO 16:21 Iomraidhean Croise

ESDRAS 10:1

Esdras Diospac huasi ñaupapi cungurishpa huacashpa, juchacunata huillashpa mañacucpimi, achca israelcuna caricunapish, huarmicunapish, huahuacunapish Esdraspacman cuchuyamurca. Chaipica achca gentecunami yallita huacacurca.

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

SALMOS 51:3

Canta mana cazushcataca shungumantami llaquirini. Chai juchata ruhuashcaca yuyachicunllami.

ÉXODO 29:10

Chaimantaca becita ñucahuan tupana huasi ñaupaman apamungui. Chaipimi Aaronpish, paipac churicunapish becipac umapi maquita churanga.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

LEVÍTICO 1:4

Chai animalpac umapi maquita churashpami huañuchina can. Chashna ruhuacpimi, Mandac Diosca juchacunata pichanga.

LEVÍTICO 16:20

Aaronca ñucapaclla chicanyachishca ucutapish, ñucahuan tupana huasitapish, altartapish ñucapacllata ruhuashca quipami causac chivota apachun cachanga.

LEVÍTICO 16:22

Israelcunapac juchata apachishpami, pi mana causana shitashca pambaman apanga. Chai pambapimi chivotaca cacharinga.

LEVÍTICO 26:40

Paicunapac, shinallatac paicunapac taitacunapac mana allita ruhuashcata, ñucata mana cazushpa paicuna munashcata ruhuashcata huillangacuna.

LEVÍTICO 5:5

Maijanpish maijan caicunapi juchallishca cashpaca, chai juchata ruhuashcata huillashpami,

ROMANOS 10:10

Chaica, Dios chasquishca cangapacca tucui shunguhuanmi crina. Quishpiringapac quiquin shimihuanmi “Jesusca ñucata Mandacmi” nina.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.