LEVÍTICO 16:18 - Dios Rimashcata Quillcashcami

¹⁸ Chai ucumanta llucshishpaca, Mandac Dios ñucapac ñaupapi cac altarta mapa illacta ruhuangapacmi Aaronca chai altar gachucunatapish, altar muyunditapish cari becipac, chivopac yahuarta japishpa cahuinga.

LEVÍTICO 16:18 Iomraidhean Croise

ÉXODO 30:10

Cai altarca ñucapaclla chicanyachishcami canga. Chaimantami juchacunata perdonachunca, huatapi shuc cutin Aaronca animal yahuarta altar gachucunapi cahuinga. Shinallatac huatapi shuc cutinllami juchamantaca animal yahuarhuan cahuinga. Chaitaca huiñaitami ruhuana can» nirca.

EZEQUIEL 43:20

Chai yahuarta japishpa, altarpi tiyac chuscu gachucunapi, altar chaqui chuscu esquinapi, altar muyundipi chirapangui. Chashnami chuyayachina can.

EZEQUIEL 43:22

Cayandi punzhaca ima mana tucushca chivota juchacunamanta ñucaman cungui. Chai chivo yahuartaca beci yahuarta ruhuashca shinallatac altarpi chirapashpa, mapa illacta ruhuangui.

EZEQUIEL 45:19

Juchamanta cushca animalpac yahuartaca cura ashata japishpami ñucapac huasi pungu pilarcunapipish, altar chuscu esquinacunapipish, ucupi, canzhapi cac pilarcunapipish cahuinga.

LEVÍTICO 16:16

Chashnami ñucapaclla chicanyachishca ucuta israelcuna ñucata mana cazushpa, juchallishpa mapayachishcata pichanga. Chashnallatacmi Aaronca paicunapac chaupipi cac carpa huasitapish israelcuna juchallishpa mapayachishcata pichanga.

LEVÍTICO 16:17

Aarón ñucapaclla chicanyachishca ucuman yaicushpa, paipac, paipac familiapac, tucui israelcunapac juchacunata pichachun cucucpica, pipish ñucahuan tupana huasiman ama yaicunachu can.

LEVÍTICO 4:18

Chai yahuarllatatacmi Dios-huan tupana huasipi cac Mandac Diospac ñaupapi tiyac altar gachucunapi chirapanga. Cutin puchutaca Dios-huan tupana huasi yaicunapi Diosman cushpa, tucui rupachina altar chaquipimi tallinga.

LEVÍTICO 4:25

Chai juchamanta cushpa huañuchishca yahuartaca curami maqui dedohuan apashpa, Diosman cushpa, tucuita rupachina altar gachucunapi cahuinga. Chai puchu yahuartaca chai altar chaquipimi tallinga.

LEVÍTICO 4:7

Curallatacmi asha yahuarta japishpa, Dios-huan tupana huasi ucupi tiyac mishquilla ashnacuc incienso rupachina altar gachucunapi cahuinga. Puchushca yahuartaca Dios-huan tupana huasi yaicunapi tiyac tucui rupachina altar chaquipi tallinga.

NÚMEROS 28:22

Shinallatac cancunapac juchata pichachun shuc cari chivota ñucaman cunguichic.

SAN JUAN 17:19

Paicunapish cashcata nic rimashcahuan cambaclla tucuchunmi, ñucapish paicunapac allipac cambaclla tucuni.

HEBREOS 2:11

Jucha illacta ruhuacpish, jucha illaccunapish shuc Taitapac huahuacuna shinami canchic. Chaimantami Jesusca mana pingashpa: “Ñuca huauquicunami canguichic” nin.