LEVÍTICO 15:27 - Dios Rimashcata Quillcashcami

²⁷ Maijanpish chai camapi, mana cashpaca tiyarinapi tuparicca mapami canga. Chaimanta armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:27 Iomraidhean Croise

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

EZEQUIEL 36:29

Cancunamantaca tucui mapatami anchuchisha. Yarcai ama tiyachunca achca trigotami pucuchisha. Yarcaica ña mana ashtahuan tiyangachu.

LEVÍTICO 11:24

Chai animalcunapi tuparishpaca mapayanguichicmi. Maijanpish chai huañushca animalcunapi tuparicca tutayangacamanmi mapa canga.

LEVÍTICO 15:13

Chai runa yurac yacu cachariricuc runa mapa illac tucushpaca, canchis punzhatami yupana can. Chai quipami callpacuc yacupi armarishpa, churanatapish tacshana can. Chashnami mapa illac tucunga.

LEVÍTICO 15:21

Maijanpish chai huarmi siririshca camapi tuparicca armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:26

Yahuar cachariricuc huarmi sueñushca camaca quilla ungüihuan cashpa sueñushca shinallatacmi mapa canga. Imapi tiyarishcapish mapallatacmi canga.

LEVÍTICO 15:28

Yahuar shamuna pararicpica, canchis punzhatami yupana can. Chai quipaca mapa illacmi saquiringa.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

NÚMEROS 19:22

Mapayashca runa tuparishcaca imapipish mapami canga. Mapayashca runapi maijan tuparicpish mapami canga” ninmi nishpa mandai» nirca.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.