LEVÍTICO 15:18 - Dios Rimashcata Quillcashcami

¹⁸ Shuc cari huarmihuan sueñucucpi, caripac yurac yacu cachariricpica, ishcaitami armarina can. Shina armarishpapish tutayangacamanmi mapa canga.

LEVÍTICO 15:18 Iomraidhean Croise

2 SAMUEL 11:4

Chashna huillacpimi, Davidca paita serviccunata chai huarmita pushachun cacharca. Ña pushamucpica, Davidca chai huarmipi chayarircami. Chai quipaca, chai huarmica huasiman cutishpa rircallami. Chai huarmica quilla ungüi pararishca cacpi, mapa illac cangapacmi armaricurca.

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

ÉXODO 19:15

Moisesca israelcunataca: —Cancunaca quimsa punzhapacca allichirishca caichic. Shinallatac huarmicunapipish mana chayarinachu canguichic— nirca.

LEVÍTICO 15:16

Yurac yacu cachariricuc runaca tucui cuerpotami armarina can. Shina armarishpapish tutayangacamanmi mapa canga.

LEVÍTICO 15:17

Caripac yurac yacu churanapi, mana cashpaca carpapi urmacpica, tacshanami can. Shina ruhuashpapish tutayangacamanmi mapa canga.

LEVÍTICO 15:5

Pai siririshca camapi maijanpish tuparicca armarishpa, churanatapish tacshanami can. Shina ruhuashpapish, tutayangacamanmi mapa canga.

1 CORINTIOS 6:12

Maijanca: “Ñucaca tucui imata ruhuasha nishpapish, ruhuanallami cani” ningachari. Shina cashpapish, imatapish quiquin munashcata ruhuanaca mana allichu. Ñucaca cacharishca shina cashpapish, millai munaicuna imatapish ruhuachichunca mana saquinachu cani.

1 CORINTIOS 6:18

Huainayanamanta anchurichic. Maijanpish ima shuctac juchata ruhuashpaca, mana paipac cuerpota ima ruhuanchu, ashtahuanpish huainayacmi, paipac cuerpota mapayachin.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Diosta mañaccunahuan tandarishpa, cuyaihuan apanacushpa sumacllata causangui.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.