LEVÍTICO 15:14 - Dios Rimashcata Quillcashcami

¹⁴ Pusac punzhapica ishcai urpita, mana cashpaca ishcai huahua palomatami Dios-huan tupana huasi yaicunaman apamushpa, Mandac Diospac ñaupapi curaman cuna can.

LEVÍTICO 15:14 Iomraidhean Croise

LEVÍTICO 1:14

Volac animalcunamanta Mandac Diosman cushpa, tucui rupachingapac apamushpaca urpita, mana cashpaca llullu palomatami apamuna can.

LEVÍTICO 12:6

Chuyayana punzhacuna pactacpica, cari huahuamanta, mana cashpaca huarmi huahuamanta cashpapish shuc huatayuc cari ovejatami Diosman cushpa tucui rupachina can. Juchata pichachun Diosman cungapacca huahua palomata, mana cashpaca urpitami apamuna can. Chaitaca Dios-huan tupana huasi yaicunaman apamushpami, curaman cuna can.

LEVÍTICO 12:8

Shuc maltón ovejata mana charishpaca, ishcai huahua palomata, ishcai urpitami apamuna can. Shuctaca Diosman cushpa tucuita rupachingapac, shuctaca huarmipac juchata pichachun cungapacmi apamuna can. Curaca chai huarmipac juchata pichachun Diosman cushpa rupachinga. Chaita ruhuacpimi, mapa illac saquiringa” ningui» nirca.

NÚMEROS 6:10

Ña pusac punzhapica, ishcai urpita, mana cashpaca ishcai llullu palomata Dios-huan tupana huasi yaicunapi curaman cuchun.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

HEBREOS 10:10

Ñucanchicta jucha illacta ruhuangapacmi Jesucristoca Dios munashca shina, shuc cutinlla huiñaipac huañurca.

HEBREOS 10:12

Jesucristoca pai quiquinllatac tucuipac juchacunamanta huiñaipac huañushpami, Diospac alli maquiman tiyarigrirca.

HEBREOS 10:14

Paica shuc cutinlla huañushpami, huiñaipac paipaclla caccunata jucha illacta ruhuarca.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.