LEVÍTICO 14:22 - Dios Rimashcata Quillcashcami

²² Ishcai urpita, mana cashpaca ishcai huahua palomatami, imata cashpapish pai cui pudishcallata apamunga. Chaicunataca shuctaca juchata pichachun, shuctaca tucui rupachingapacmi apamunga.

LEVÍTICO 14:22 Iomraidhean Croise

SALMOS 68:13

Ashtahuanpish cancunaca ovejacunapac chaupipimi sueñurcanguichic. Palomapac alasta cullquihuan cahuishca shina, plumacunapish curihuan cahuishca shinami tucunguichic.

CANTARES 2:14

Rumi quingrai jutcupimi, jahua urcu pacallapi miticuc ñuca palomitalla, cambac ñahuita ricuchiyari. Can rimashcata uyachiyari. Can rimashca shimica mishquillami uyarin. Cambac ñahuipish sumaimanami ricurin» nirca.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

ISAÍAS 59:11

Tucui ñucanchicmi osocuna shina huacacunchic. Palomacuna shina, llaquillata huacacunchic. Cashcata ruhuachun shuyacucpica, pi cashcata ruhuacca mana tiyanchu. Quishpichicca ñucanchicmanta carupimi.

JEREMÍAS 48:28

¡Moab llactapi causaccunalla, chaimanta llucshishpa, rumi quingraicunapi, jatun patapi paloma shina, cuzhata ruhuashpa causagrichic!

EZEQUIEL 7:16

Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

LEVÍTICO 14:21

Chai leprahuan ungushca runa huaccha cashcamanta chaicunata mana cui pudicpica, chai pandarishcamantaca shuc maltón ovejallatami apamuna can. Chaitaca curallatacmi cuyuchishpa Diosman cunga. Chaihuan cungapacca ishcai kilo yalli alli harinata, litromanta quimsapi chaupishca aceitetami apamuna can.

LEVÍTICO 14:24

Chaipimi curaca juchata pichachun apamushca maltón ovejatapish, litromanta quimsapi chaupishca aceitetapish cuyuchishpa, Mandac Diosman cunga.

LEVÍTICO 15:14

Pusac punzhapica ishcai urpita, mana cashpaca ishcai huahua palomatami Dios-huan tupana huasi yaicunaman apamushpa, Mandac Diospac ñaupapi curaman cuna can.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.

NÚMEROS 6:10

Ña pusac punzhapica, ishcai urpita, mana cashpaca ishcai llullu palomata Dios-huan tupana huasi yaicunapi curaman cuchun.