LEVÍTICO 14:21 - Dios Rimashcata Quillcashcami

²¹ Chai leprahuan ungushca runa huaccha cashcamanta chaicunata mana cui pudicpica, chai pandarishcamantaca shuc maltón ovejallatami apamuna can. Chaitaca curallatacmi cuyuchishpa Diosman cunga. Chaihuan cungapacca ishcai kilo yalli alli harinata, litromanta quimsapi chaupishca aceitetami apamuna can.

LEVÍTICO 14:21 Iomraidhean Croise

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

PROVERBIOS 17:5

Huaccha runata asicca paita ruhuac Diostami piñachin. Llaquihuan cacpi, cushicuc runaca paipish llaquitami apanga.

PROVERBIOS 22:2

Chayuc runapish, huaccha runapish chaipurallatami. Mandac Diosca ishcaitatacmi ruhuashca.

EZEQUIEL 46:7

Chai cada becihuan, cada carnero ovejahuanca shuc efa harinatami cunga. Maltón ovejacunahuanca mashnata charishca shinami cunga. Cada efa harinahuanmi shuc hin aceiteta cunga.

LEVÍTICO 1:14

Volac animalcunamanta Mandac Diosman cushpa, tucui rupachingapac apamushpaca urpita, mana cashpaca llullu palomatami apamuna can.

LEVÍTICO 12:8

Shuc maltón ovejata mana charishpaca, ishcai huahua palomata, ishcai urpitami apamuna can. Shuctaca Diosman cushpa tucuita rupachingapac, shuctaca huarmipac juchata pichachun cungapacmi apamuna can. Curaca chai huarmipac juchata pichachun Diosman cushpa rupachinga. Chaita ruhuacpimi, mapa illac saquiringa” ningui» nirca.

LEVÍTICO 14:10

Pusacniqui punzhapica ima mana tucushca ishcai maltón ovejatapish, shuc huatayuc ima mana tucushca huarmi ovejatapish, sucta kilo chaupi ashtahuan alli harinatapish, aceitehuan masashcata, shuc litromanta quimsapi chaupishca shuc parte aceiteta apamuna can.

LEVÍTICO 14:22

Ishcai urpita, mana cashpaca ishcai huahua palomatami, imata cashpapish pai cui pudishcallata apamunga. Chaicunataca shuctaca juchata pichachun, shuctaca tucui rupachingapacmi apamunga.

LEVÍTICO 27:8

Ashtahuanpish huaccha cashcamanta mana pagai pudicpica, curapacmanmi apana can. Chaipimi curaca mashnata pagai pudishcata pagachinga.

LEVÍTICO 5:11

Mana ishcai urpita, mana cashpaca ishcai llullu palomata charishpaca, ishcai kilo yalli alli harinatami cuna can. Chai harinaca juchata pichachun Diosman cushcami. Chaimanmi chai harinapica aceitetapish, inciensotapish mana churana can.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.

SAN LUCAS 6:20

Jesús paipac yachacuccunata ricushpaca: «¡Cushicuichic, huacchacuna! Jahua pacha Dios mandacucca cancunapacmi.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.