LEVÍTICO 12:5 - Dios Rimashcata Quillcashcami

⁵ Huarmi huahuata sajuarishpaca, quilla ungüihuan mapayashca shinallatacmi ishcai semanacaman mapa canga. Sucta chunga sucta punzhacamanmi imapish Diospacllata mana tuparina can, Diospaclla ucumanpish mana yaicuna can.

LEVÍTICO 12:5 Iomraidhean Croise

GÉNESIS 3:13

Shina nicpimi, Mandac Diosca huarmitaca: —¿Imatatac ruhuarcangui?— nirca. Chaimantami huarmica: —Culebramari umarca, chaimantami micurcani— nirca.

LEVÍTICO 12:2

«Israelcunataca: “Shuc huarmi huicsayuc tucushpa, cari huahuata sajuarishpaca, quilla ungüihuan mapayashca shinallatacmi canchis punzhacaman mapa canga.

LEVÍTICO 12:4

Mamaca sajuarina yahuar shamushcamantaca quimsa chunga quimsa punzhacamanmi imapish Diospacllata mana japirina can, Diospaclla ucumanpish mana yaicuna can.

LEVÍTICO 12:6

Chuyayana punzhacuna pactacpica, cari huahuamanta, mana cashpaca huarmi huahuamanta cashpapish shuc huatayuc cari ovejatami Diosman cushpa tucui rupachina can. Juchata pichachun Diosman cungapacca huahua palomata, mana cashpaca urpitami apamuna can. Chaitaca Dios-huan tupana huasi yaicunaman apamushpami, curaman cuna can.