LEVÍTICO 11:32 - Dios Rimashcata Quillcashcami

³² Chai huañushca animal imapi tuparishpaca mapayachinmi. Chaica, caspimanta ruhuashca cashpapish, churana cashpapish, caramanta cashpapish, cushtal cashpapish, trabajana herramienta cashpapish mapayangami. Chaicunataca yacupimi satina canguichic. Shinallatac tutayangacamanmi mapa canga. Chai quipami chuya saquiringa.

LEVÍTICO 11:32 Iomraidhean Croise

LEVÍTICO 11:31

Pambata aisarishpa puric animalcunamantaca tucui chaicunami mana micuna animalcuna. Maijanpish chai huañushca animalcunapi tuparicca tutayangacamanmi mapa canga.

LEVÍTICO 14:46

Cura huichcachishca quipa chai huasiman maijanpish yaicucca tutayangacamanmi mapa canga.

LEVÍTICO 15:12

Yurac yacu cacharirishca runa allpa mangapi tuparicpica, chai mangataca paquinami can. Shinallatac caspi manga cacpica jahuanami can.

LEVÍTICO 15:15

Curami shuctaca juchamanta cushpa, shuctaca tucui rupachinga. Chashnami yurac yacu cachariricuc runataca Mandac Diospac ñaupapi curaca chuyanllata ruhuanga.

LEVÍTICO 16:26

Chivota Azazelman cungapac apac runapish armarishpa, churanata tacshanami can. Chaita ruhuashca quipami carpa huasiman yaicunga.

LEVÍTICO 17:15

Israelpuramantapish, mana cashpaca shuctac llacta runa cancunapurapi causacpuramantapish huañushca animal aichata, mana cashpaca sacha animal huañuchishca aichata micushpaca, armarishpa churanata tacshanami can. Shina ruhuashpapish tutayangacamanmi mapa canga. Chai quipami mapa illac tucunga.

LEVÍTICO 22:6

Cura chaicunapi tuparishpaca chishicamanmi mapa canga. Cuerpota yacuhuan manarac armarishpaca ñucapaclla chicanyachishcataca mana micunachu can.

LEVÍTICO 6:28

Chai ofrenda aichata allpa mangapi yanushpaca, chai mangata paquinami can. Cutin bronce mangapi yanushca cashpaca, chai mangataca alli cacushpami jahuana can.

NÚMEROS 19:15

Tucui imapish mana alli tapashca cashpaca, mapami canga.

NÚMEROS 19:7

Chaimantaca paipac churanata tacshashpa, paipish armarishpami paipac causana carpa huasiman yaicunga. Chashna cashpapish tutayangacamanmi mapa canga.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

TITO 3:5

ñucanchicta quishpichirca. Mana ñucanchic ima allita ruhuashcamanta, ashtahuanpish ñucanchicta llaquishcallamantami quishpichirca. Diosca tucui juchacunata jahuashpami cutin huacharishcata ruhuarca. Paipac Espirituta cushpami mushuc causaiyucta ruhuarca.