LEVÍTICO 11:28 - Dios Rimashcata Quillcashcami

²⁸ Maijanpish chai huañushca animalta apashpaca, paipac churanata tacshanami. Shinallatac tutayangacamanmi mapa canga. Chai animalcunataca mapa cashcata yuyanguichic.

LEVÍTICO 11:28 Iomraidhean Croise

LEVÍTICO 11:27

Tucui chuscu chaquiyuc animalcunamantaca tucui shilluhuan sarushpa puric animalcunatami mana micuna canguichic. Maijanpish chai huañushca animalcunapi tuparicca tutayangacamanmi mapa canga.

LEVÍTICO 11:29

Pambata aisarishpa puric animalcunamantaca caicunatami mana micuna canguichic: Chucurillutapish, ucuchatapish, chaipuralla sapotapish,

LEVÍTICO 14:46

Cura huichcachishca quipa chai huasiman maijanpish yaicucca tutayangacamanmi mapa canga.

LEVÍTICO 15:15

Curami shuctaca juchamanta cushpa, shuctaca tucui rupachinga. Chashnami yurac yacu cachariricuc runataca Mandac Diospac ñaupapi curaca chuyanllata ruhuanga.

LEVÍTICO 16:26

Chivota Azazelman cungapac apac runapish armarishpa, churanata tacshanami can. Chaita ruhuashca quipami carpa huasiman yaicunga.

LEVÍTICO 17:15

Israelpuramantapish, mana cashpaca shuctac llacta runa cancunapurapi causacpuramantapish huañushca animal aichata, mana cashpaca sacha animal huañuchishca aichata micushpaca, armarishpa churanata tacshanami can. Shina ruhuashpapish tutayangacamanmi mapa canga. Chai quipami mapa illac tucunga.

LEVÍTICO 22:6

Cura chaicunapi tuparishpaca chishicamanmi mapa canga. Cuerpota yacuhuan manarac armarishpaca ñucapaclla chicanyachishcataca mana micunachu can.

NÚMEROS 19:7

Chaimantaca paipac churanata tacshashpa, paipish armarishpami paipac causana carpa huasiman yaicunga. Chashna cashpapish tutayangacamanmi mapa canga.