LEVÍTICO 10:6 - Dios Rimashcata Quillcashcami

⁶ Moisés Aarontapish, paipac churi Eleazartapish, Itamartapish rimashpaca: «Llaquilla tucushpa, achca cacharishca ama puricuichicchu. Llaquilla cashcamanta ama churanata lliquirichicchu. Pacta cancunapish huañunguichicman. Pacta tucui israelcunahuan Mandac Dios piñarinman. Cancunapac huauqui israelcunami Mandac Dios rupachishca runacunamanta huacangacuna.

LEVÍTICO 10:6 Iomraidhean Croise

2 SAMUEL 24:1

Mandac Diosca israelcunahuan cutinllatac nina japiric shina piñarishpami Davidtaca: «Israelcunatapish, Judá gentecunatapish yupachi» nirca.

ESDRAS 7:5

Buquica Abisuapac churi, Abisuaca Fineespac churi, Fineesca Eleazarpac, Eleazarca Aaronpac churimi carca. Aaronca punta curami carca.

ÉXODO 33:5

Mandac Diosca Moisestaca: «Israelcunataca: “Cancunaca yalli sinchi shungumi canguichic. Ñuca cancunapac chaupipi ashallatapish cashpaca, tucuitami huañuchishpa chingachiman. Cunanca churanacunata anchuchichic. Quipatami ñuca imata ruhuanataca yuyarisha” ninmi ningui» nirca.

ÉXODO 6:23

Aaronca Aminadabpac ushi Elisabethuanmi cazararca. Elisabetca Naasonpac panimi carca. Chai huarmica Nadab, Abiú, Eleazar, Itamar huahuacunatami charirca.

JEREMÍAS 7:29

Chaimanta cambac acchata pitishpa shitai. Lomacunaman rishpa caparishpa huacai. Mandac Diosta yallita piñachishcamantami huahua huahuacunataca mana ricunayachishpa shitashca.

LEVÍTICO 13:45

Lepra ungüihuan cashpaca, churanapish lliqui, umatapish mana taparishpa shimillata taparishpami: “Mapami cani, mapami cani” nishpa, caparishpa puringa.

MIQUEAS 1:16

Judá llactalla, cancunapac cuyashca huahuacunamantaca llaquirishpa, acchata ruturichicyari. Cancunahuan causaccunata shuctac llactaman prezu apashcamantaca jatun anga shina, lluchu uma tucuichicyari.

NÚMEROS 1:53

Shina cacpipish, levitacunaca mandashcacunata huacaichishca ñucahuan tupana huasi muyundipimi causanga. Ñucahuan tupana huasita levitacuna cuidacucpimi, israelcunahuanca ñucaca mana piñarisha» nirca.

NÚMEROS 14:6

Chaipica chai llactata ricungapac ricpuramanta Nunpac churi Josuepish, Jefonepac churi Calebpish llaquirishpami churanata lliquirishpa,

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

NÚMEROS 18:5

Cancunami ñucapaclla carpa huasitapish, altartapish cuidana canguichic. Shina cuidacpimi, cutinca israelcunahuan mana piñarisha.

NÚMEROS 20:25

Cunanca can Moisesca Aaronta shinallatac paipac churi Eleazarta Hor urcuman pushai.

NÚMEROS 5:18

Chaimantaca curami huarmitaca Mandac Dios ñucapac ñaupapi uma acchata cacharinga. Juchallishcamanta cuna ofrendatami chai huarmipac maquipi churanga. Chai ofrendami juchallishcatapish, mana juchallishcatapish ricuchinga. Cutin curaca llaquichic jayac yacutami maquipi charicunga.

DEUTERONOMIO 33:9

Paimi taita mamataca: “Mana ricsinichu” nirca. Paipac huauquicunatapish, huahuacunatapish mana ricsircachu. Paicunaca cambac nishcacunata cazurcami. Pai ari nishcatapish pactachircami.

JOSUÉ 22:18

Mandac Diosta catinataca ¿ima nishpatac saquinguichic? Cunan paita piñachishpa, llaquichicpica, caya punzhami mandac Diosca tucui tandanacushca israelcunahuanmi piñaringa.

JOSUÉ 22:20

¿Zerapac churi Acán Diospac chicanyachishcata japicpi, Mandac Dios tandanacushca israelcunahuan piñarishcaca manachu ñucanchicta llaquichirca? Chai runaca pai mana allita ruhuashcamantaca mana paillachu huañurca” nichunmi cachan— nirca.

JOSUÉ 7:1

Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:11

Israelcunaca juchallishcacunami. Pactachingapac ñucahuan ari nishcataca mana cazushcacunachu. Ñuca tucuchingapac chicanyachishcataca shuhuashcacunami, llullashcacunami. Chai shuhuashcata paicuna charishcacunapimi pacashca.