LEVÍTICO 10:3 - Dios Rimashcata Quillcashcami

³ Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 10:3 Iomraidhean Croise

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

JOB 2:10

Shina nicpimi Jobca: —¡Canca maijan yuyai illac huarmi shinami rimaringui! Diosmantami allicunata japishcanchic. ¿Manachu ima llaquicunatapish japina canchic?— nirca. Chai tucui llaquicuna japicpipish, Jobca paipac shimihuan millaita rimashpaca mana juchallircachu.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

SALMOS 148:14

Paimi, pai acllashcacunapac mandanatapish sinchiyachin. Diosta tucui caticcuna paita alabachun. Israelcunapish, paicunapac cuchullapi causaccunapish paita alabaichicyari. ¡Mandac Diostaca alabaichicyari!

SALMOS 39:10

Can churashca ungüitaca ñucamanta anchuchiyari. Cambac maquihuan llaquichicucpimi ñucaca tucuricuni.

SALMOS 39:9

Canllatac ñucata llaquichishcamantami mana rimashpa upalla saquirini.

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

SALMOS 93:5

Mandac Dioslla, cambac yachachishcaca mana paquipacmi. Cambac huasipish huiñaitami cambaclla canga.

ÉXODO 14:17

Ñucami Egipto runacunapac shunguta sinchiyachisha. Chashna ruhuacpimi, cancunata catishpa, cuchaman yaicunga. Chashna yaicucpimi, Faraontapish, paipac soldadocunatapish, tucui paipac carretacunapi tiyaccunandi tucuchishpa, ñuca jatun cashcata ricuchisha.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

ÉXODO 19:22

Mandac Dios ñucapacman cuchuyaccunata ñucapaclla tucuchun nigri. Mana cashna tucucpica, paicunataca llaquichishami— nirca.

ÉXODO 19:24

Mandac Diosca: —Uraiman shamushpa, Aaronta huichai pushamugri. Shina cacpipish curacunapish, israelcunapish Mandac Dios ñucahuan tupangapac maicaman rinata señalashcata mana pasanachu can. Mana cazushpa pasacpica, Mandac Dios ñucaca llaquichishami— nirca.

ÉXODO 30:30

Aarontapish, paipac churicunatapish cura tucushpa, ñucata servichun, chai aceitehuan cahuishpa, ñucapaclla cachun chicanyachingui.

ISAÍAS 39:8

Shina nicpimi, Ezequiasca Isaiastaca: —Can ñucaman huillashca Mandac Dios rimashcacunaca tucuimi alli— nirca. Paica: “Ñuca causacui punzhacunaca ima llaquipish mana japishca, cushillami causasha” yuyarcami.

ISAÍAS 49:3

Chai quipami paica: «Ñucata servic Israel-lla, canmantami ñucaca yallita cushicusha» nirca.

ISAÍAS 52:11

¡Babilonia llactamanta anchurichic, anchurichic! Chaimanta llucshichic. Imapish mapapica ama tuparichicchu. Chai llacta chaupimanta llucshichic. ¡Mandac Diospac caccunata apaccunapish mapa illac tucuichic!

EZEQUIEL 20:41

Caita chaita rishpa, shuctac llactapi causacucpimi, chaimanta llucchishpa, mishquilla ashnacuc inciensota shina chasquisha. Chashna allita ruhuashcamantami shuctac llactapi causaccunaman ñucaca jucha illac cashcata ricurisha.

EZEQUIEL 28:22

“Mandac Diosca: Sidón llactalla, canhuanca piñarishcami cani. Canta llaquichishpami jatunyachishca casha. Chashnami ñucaca jucha illac cashcata ricuchisha. Shina ruhuacpimi, ñucataca Mandac Dios cashcata yachangacuna.

EZEQUIEL 38:16

Puyu shina rishpa, ñuca acllashcacunata tucuita tapashpa llaquichingui. Jatun mandac Goglla, quipa punzhacunapimi shuctac llactacunapi causaccunapac ñaupapi ñuca jucha illac cashcata ricuchichun, ñuca acllashcacunata llaquichichun cantaca ñucallatac cachasha.

EZEQUIEL 40:46

Jahua ladoman alli ricuric huasica Diospac altarpi servic curacunapacmi. Paicunaca Sadocpac churicunami. Levipac huahuacunapura cashcamantami Mandac Diosta servingacuna» nirca.

EZEQUIEL 42:13

Chai runaca ñucataca: «Jahua lado, ura lado canzha pambapi cac huasicunaca Diospacllami. Chai huasicunapimi Mandac Diospacman cuchuyac curacunaca Diospaclla chicanyachishca ofrendacunata micunga. Chaipimi juchacunamanta cushcacunatapish, pandarishcamanta cushca animalcunatapish huacaichinga. Chai ucucunaca Diospaclla chicanyachishcami canga.

LEVÍTICO 21:15

Chashna cazaracpimi, llactapi causac cancunapac huahua huahuacunaca mana mapayanga. Ñucaca cancunata ñucapacllata ruhuashpa, chicanyachic Mandac Diosmi cani” ningui» nirca.

LEVÍTICO 21:17

«Aarontaca: “Cambac huahua huahuapuramanta maijan lisiado runaca ñucaman ofrendata cungapac mana cuchuyanachu can.

LEVÍTICO 21:21

Aaronpac aillupuramanta maijan lisiado runaca ofrendata cushpa, rupachingapac mana ñucapacman mana cuchuyanachu can. Lisiado runaca manatac ñucapacman cuchuyanachu can.

LEVÍTICO 21:6

Paicunaca ñucaman cushpa rupachiccunami. Chaimantami ñucapac shutita mana mapayachingapac, ñucapaclla chicanyarishca, jucha illac cana can.

LEVÍTICO 21:8

Paicunaca ñucaman micunata cuccunami. Chaimanta paicunataca Mandac Dios ñucapaclla cashca, jucha illac cashcata yuyanguichic. Ñucaca jucha illacmi cani. Chaimanta paicunapish jucha illacmi cana can. Ñucami jucha illacta ruhuacpish cani.

LEVÍTICO 22:9

Curacunaca cai ñuca nishcacunata cazuichic. Ñuca mandashcacunata mana pactachishpa, cai mandashcacunata yangapi churashpaca huañunguichicmi. Ñucaca ñucapaclla cachun, chicanyachic Mandac Diosmi cani.

LEVÍTICO 8:35

Dios-huan tupana huasi pungumantaca canchis punzhacaman ama anchuringuichicchu. Tutapish, punzhapish chaipi canguichic. Cancuna mana huañungapacca, cai mandashcacunatami pactachina canguichic. Mandac Diosca chashnami ñucataca mandarca» nirca.

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

NÚMEROS 20:12

Mandac Dios Moisestapish, Aarontapish rimashpaca: «Cancunaca ñucata mana crircanguichicchu, ñuca jucha illac cashcatapish israelcunaman mana ricuchircanguichicchu. Chaimantami cancunaca ñuca cushca llactamanca tandanacushca israelcunahuanca mana yaicunguichic» nirca.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

SAN JUAN 12:28

¡Taitalla, cambac shutita jatunyachiyari!— nirca. Shina nicpi, jahua pachamantaca: «Ña jatunyachircanimi. Cutinpish ricuchishami» nishcami uyarirca.

SAN JUAN 14:13

Ñucapac shutipi imatapish mañacpica, ñuca Taita jatunyachishca cachunmi cusha.

DEUTERONOMIO 32:51

Cadespi tiyac Meriba yacupi, shitashca pamba Zinpi cashpaca ñucata llaquichircanguimi. Israelcunapac chaupipica mana ñucataca jucha illac nishpa huillarcanguichu.

2 TESALONICENSES 1:10

Chai punzhapi Apunchic Jesucristo cutimucpica, tucui paipaclla cac criccunaca mancharishpami paita alli ninga. Cancunapish ñucanchic huillashcata crishcamantaca chaipimi canguichic.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.

1 SAMUEL 6:20

Chaimantami Bet-semes pueblopi causaccunaca: «¿Pitac cai jucha illac Diospac ñaupapi shayari pudingayari? ¿Ñucanchic ladomantaca maimantac cachashunyari?» nirca.