LEVÍTICO 10:2 - Dios Rimashcata Quillcashcami

² Chaimantami Mandac Diospac ñaupamanta nina llucshishpa, paicunataca rupachirca. Chashnami Mandac Diospac ñaupallapitac huañurca.

LEVÍTICO 10:2 Iomraidhean Croise

2 SAMUEL 6:7

Chaimantami Mandac Dios nina japiric shina piñarishpa, Uzata chugrichishpa, Arca ladollapitac huañuchirca.

1 REYES 13:28

Chai burropi rishpami, Diospaclla runataca ñanpi huañushca siricucta tarirca. Shinallatac burropish, leonpish chai huañushcapac ladollapimi shayacushca carca. Leonca huañuchishpapish mana micushcachu carca. Burrotapish mana imata ruhuashcachu carca.

1 REYES 18:38

Chashna mañacpimi, Mandac Dios jahuamanta ninata cachashpa paiman cushpa tucui rupachina aichatapish, yantatapish, rumitapish, allpatapish rupachirca. Shinallatac sanjapi jundashca yacutapish tucuimi chaquichirca.

2 REYES 1:10

Shina nicpimi, Eliasca pichca chunga soldadocunata mandactaca: —Ñuca Diospac runa cacpica, jahua pachamanta nina shamushpa cantapish, cambac pichca chunga soldadocunatapish rupachishpa tucuchichun— nirca. Shina nicpimi, jahua pachamanta nina shamushpa paitapish, paipac pichca chunga soldadocunatapish rupachishpa tucuchirca.

2 REYES 1:12

Shina nicpimi Eliasca: —Ñuca Diospac runa cacpica, jahua pachamanta nina shamushpa cantapish, cambac pichca chunga soldadocunatapish rupachishpa tucuchichun— nirca. Shina nicpimi, jahua pachamanta nina shamushpa, paitapish, paipac pichca chunga soldadocunatapish rupachishpa tucuchirca.

1 CRÓNICAS 13:10

Uza runa Arcata japirishcamantami Mandac Diosca nina japiric shina piñarishpa, paitaca llaquichishpa causaita quichurca.

1 CRÓNICAS 15:13

Utcapica cancuna mana apamushcamanta, shinallatac pai mandashca shina mana ruhuashcamantami ñucanchicta Mandac Diosca llaquichirca» nirca.

1 CRÓNICAS 24:2

Nadabpish, Abiupish huahuacunata manarac charishpami, paicunapac taita manarac huañucpi huañurca. Chaimantami Eleazar, shinallatac Itamar curacuna tucurca.

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

SALMOS 50:3

Ñucanchic Diosca mana upalla shamungachu. Paipac ñaupataca tucuchic ninahuan, paipac muyunditaca acapana huairahuanmi shamunga.

ÉXODO 24:1

Mandac Diosca Moisestaca: —Ñuca maipi cashcaman Aaronhuan, Nadabhuan, Abiuhuan, canchis chunga israelcunata pushac yuyaccunahuan huichai shamushpa, carullapi cumuri.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

LEVÍTICO 10:5

Paicuna cuchuyashpaca, Moisés mandashca shinallatacmi chai huañushcacunata paicunapac tunicapi apashpa, carpa huasimanta caruman aparca.

LEVÍTICO 16:1

Aaronpac ishcai churicuna paipac ñaupaman yallita cuchuyashpa, huañushca quipami Mandac Diosca Moisestaca:

LEVÍTICO 9:24

Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

NÚMEROS 14:37

Mandac Diosca chai runacunataca huañuchic ungüihuan huañuchirca.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

NÚMEROS 16:49

Chai punzhacamanca Diosta mana cazushpa huañushcacunata mana yupashpami chunga chuscu huaranga canchis patsac gentecuna huañurca.

NÚMEROS 26:61

Shina cashpapish Nadab, Abiuca Mandac Diosman manapish cushpa rupachinata rupachishcamantami paicunapish rupashpa huañurca.

HECHOS 5:10

Pedro chashna nincami, chai huarmica chaillapitac huañurca. Cusata enterrac mosocuna ucuman yaicucpica, chai huarmipish huañushcami cashca carca. Chaimantami paitapish, cusa maipi enterrashcallapitac enterrangapac aparcacuna.

HECHOS 5:5

Chaita uyashcahuanmi, Ananiasca chaillapitac huañurca. Tucui chaita uyaccunami yallita mancharirca.

1 CORINTIOS 10:11

Ñaupa taitacuna chashna tucushcaca ñucanchicta yuyachingapacmi tucushca. Shinallatac tucuri punzhacunapi causacucpi, ñucanchicta yachachingapacmi, Dios quillcachishcapi quillcachishca cashca.

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.