LEVÍTICO 10:17 - Dios Rimashcata Quillcashcami

¹⁷ —Juchata pichachun Diosman cushca chivotaca, ¿ima nishpatac chicanyachishca pushtupi mana micurcanguichic? Chai aichaca Diospaclla chicanyachishcami. Chai aichaca israelcunapac juchacunata cancunaman apachishpa, Mandac Dios perdonachunmi curca.

LEVÍTICO 10:17 Iomraidhean Croise

ÉXODO 28:38

Chashnami Aaronca chai placataca paipac frentepi apashpa puringa. Chaimi israelcuna ofrendata ñucaman cushpa rupachicushpa, ima pandarishcataca pai apanga. Shina paipac frentepi placata churashca cacpimi, ofrendataca chasquisha.

ÉXODO 28:43

Chai churanahuanmi Aaronpish, paipac churicunapish ñucahuan tupana huasipi tandanacungapac, mana cashpaca altarpi servingapac yaicunga. Mana chashna yaicushpaca, juchallishpa huañungami. Cai mandashcacunami huiñaipac Aaronmanpish, quipa miraicunamanpish can.

LEVÍTICO 16:22

Israelcunapac juchata apachishpami, pi mana causana shitashca pambaman apanga. Chai pambapimi chivotaca cacharinga.

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 22:16

Ñucapaclla chicanyachishcata pipish micuchun saquishpaca, cancunami juchayuc tucunguichic. Ñucami cancunata jucha illacta ruhuac Mandac Dios cani” ningui» nirca.

NÚMEROS 18:1

Mandac Diosca Aarontaca: «Ñucapaclla chicanyachishca ucuman cuchuyashpa juchallishcamantaca canpish, cambac churicunapish, cambac huasi ucupuracunapish juchayucmi tucunguichic. Cutin curacuna mana allita ruhuashcamantaca canpish, cambac churicunapish juchanchishcami canguichic.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.