LEVÍTICO 10:14 - Dios Rimashcata Quillcashcami

¹⁴ Alzashpa cushca pecho aichatapish, changa aichatapish chuyanlla pushtupi canpish, cambac churicunapish, ushicunapish micunguichic. Israelcuna Dios-huan alli tucungapac cushca aichaca cambac, cambac huahua huahuacunapacmi canga.

LEVÍTICO 10:14 Iomraidhean Croise

ÉXODO 29:33

Tucui chaicunaca ñucapaclla tucuchun, juchamanta ñucaman cushca aichami. Chaimanta pipish mana micunachu, ashtahuanpish paicunallami micuna can.

EZEQUIEL 42:13

Chai runaca ñucataca: «Jahua lado, ura lado canzha pambapi cac huasicunaca Diospacllami. Chai huasicunapimi Mandac Diospacman cuchuyac curacunaca Diospaclla chicanyachishca ofrendacunata micunga. Chaipimi juchacunamanta cushcacunatapish, pandarishcamanta cushca animalcunatapish huacaichinga. Chai ucucunaca Diospaclla chicanyachishcami canga.

LEVÍTICO 10:13

Diospaclla chicanyachishca pushtupi micunguichic. Mandac Diosman cushpa, rupachishca puchuca huiñaitami cambac, shinallatac cambac churicunapac canga. Cashnami Mandac Diosca ñucataca mandarca.

LEVÍTICO 22:13

Chai curapac ushi viuda, mana cashpaca cusamanta raquirishca mana huahuayuc cashpa, taitapac huasipi causacushpaca, taita micunata micui pudinmi. Maijan mana ricsishcaca mana micui pudinchu.

LEVÍTICO 9:21

Mandac Dios Moisesta mandashca shinallatacmi Aaronca chai pecho aichatapish, alli lado changatapish cuyuchishpa Diosman curca.

NÚMEROS 18:11

Shinallatac israelcuna ñucaman alzashpa cushcacunapish, cuyuchishpa cushcacunapish canman, shinallatac cambac churicunaman, canhuan causac ushicunamanmi canga. Chaicunataca huiñaitami micui pudinguichic. Cambac huasipi causac ima mapa illaccunami micunga.

NÚMEROS 5:9

Israelcuna ñucaman cungapac chicanyachishcaca curapacllami canga.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.