LEVÍTICO 1:3 - Dios Rimashcata Quillcashcami

³ Tucui rupachina beci cacpica, imapish mana tucushca cari becitami Mandac Dios-huan tupana huasi yaicunapi rupachina can. Chaipimi Mandac Diosca chashquinga.

LEVÍTICO 1:3 Iomraidhean Croise

GÉNESIS 22:13

Abraham huichailla ricushpaca, gachusapa oveja zarza casha angupi gachucuna churarishca shayacuctami ricurca. Chai ovejatami paipac churipac randi Diosman cushpa rupachirca.

GÉNESIS 22:2

Shina nicpimi Diosca: —Cambac cuyashca shuclla churi Isaacta Moriah llactaman aparishpa, ñucaman cushpa rupachi. Maijan urcupi rupachina cashcataca ñucami huillasha— nirca.

GÉNESIS 22:8

Shina nicpimi Abrahamca: —Ñuca huahualla, Diosllatacmi rupachina ovejataca cunga— nirca. Shina nishpaca, purishpa catircacunallami.

GÉNESIS 8:20

Chai quipami Noeca Mandac Diosman altarta ruhuarca. Chaipimi Mandac Diosman cuna animalcunamantapish, volac animalcunamantapish shucta Mandac Diosman cushpa rupachirca.

2 CRÓNICAS 29:32

Tandanacushca gentecuna Diosman cushpa rupachingapacca canchis chunga huagrata, patsac carnero ovejata, ishcai patsac malta ovejatami apamurca. Tucui cai animalcunatami Diosman cushpa tucui rupachircacuna.

2 CRÓNICAS 35:12

Chai quipaca Moisés quillcashcapi nicushca shinallatacmi israelcunapac cada familiaman rupachina animalcunamanta aichata japishpa, asha ashata cararcacuna. Huagracunata huañuchishpapish chashnallatacmi ruhuarcacuna.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

ÉXODO 12:5

Chaitaca ovejamanta, mana cashpaca chivomanta cashpapish ima mana tucushca, shuc huatayuc cari animalta japichic.

ÉXODO 24:5

Chai quipaca israelpuramanta maijan mosocunatami Mandac Dios-huan alli tucungapac shuc maltón huagrata huañuchishpa, rupachichun cacharca.

ÉXODO 29:18

Chai oveja aichataca Altar jahuapi churashpa, ñucaman cushpa, rupachingui. Chashna rupachishcami ñucamanca mishquilla ashnanga.

ÉXODO 29:4

Aarontapish, paipac churicunatapish ñucahuan tupana huasi yaicunaman pushashpa, armachishpa,

ÉXODO 29:42

Cancunapac huahua huahuacunami ñucahuan tupana huasi yaicunapi ñucaman cushpa, ñucapac ñaupapi punzhanta rupachina can. Chaipimi ñucaca cancunahuan tupashpa rimasha.

ÉXODO 32:6

Cayandi tutamantaca utca jatarishpami, chai beciman animalta cushpa, tucui rupachirca. Shinallatac paihuan alli tucungapacpish ofrendata curcami. Chai quipaca israelcunaca micungapac, ubiangapacmi tiyarirca. Ña micushca quipaca cushicungapacmi jatarirca.

ÉXODO 35:21

Shinami tucui alli shunguyuc gentecunaca ofrendata Diosman cuna yuyaihuan apamurca. Mandac Dios-huan tupana huasitapish, curacuna churarinata ruhuangapacpish apamurcami.

ÉXODO 35:29

Mandac Dios Moisesta mandashca shina ruhuarichunca, tucui alli shunguyuc israelcunami caricunapish, huarmicunapish tucui munaihuan Mandac Diosman cungapac apamurca.

ÉXODO 35:5

“Mandac Dios ñucaman cungapacca cancunapurallamanta ofrendata tandachichic. Tucui alli shunguyuc gentecuna curita, cullquita, bronceta,

ÉXODO 36:3

Paicunami Dios-huan tupana huasita ruhuachun, israelcuna apamushca, ofrendataca Moisesmanta chasquirca. Cada tutamanta israelcuna ofrendata apamushpa caticpimi,

ÉXODO 38:1

Animalta cushpa, tucuita rupachina altartapish acacia caspimantami ruhuarca. Chai altartaca cuadrado, sunimanpish, anchomanpish ishcai metro yallimi carca. Altomanca shuc metro chaupimi carca.

ISAÍAS 1:11

Mandac Diosca: «Cancuna achca animalcunata ñucaman cushpa, huañuchishcapish, ¿ñucamanca imapactac valin? Cari ovejacunata cushpa, tucui rupachishcatapish, huira animalcunapac huirata rupachishcatapish ñucaca millanimi. Huagracunata, cari ovejacunata, chivocunata huañuchishpa, cushca yahuartapish mana munanichu.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

EZEQUIEL 40:39

Chai ucuman yaicuna pungupica cada ladomanmi ishcai mizacuna tiyarca. Chai jahuapimi Diosman cushpa tucui rupachina animaltapish, juchamantapish, pandarishcamantapish cushca animalta huañuchina carca.

LEVÍTICO 1:10

Tucuita rupachingapac ovejata, mana cashpaca chivota apamushpaca, ima mana tucushca cari animaltami apamuna can.

LEVÍTICO 14:10

Pusacniqui punzhapica ima mana tucushca ishcai maltón ovejatapish, shuc huatayuc ima mana tucushca huarmi ovejatapish, sucta kilo chaupi ashtahuan alli harinatapish, aceitehuan masashcata, shuc litromanta quimsapi chaupishca shuc parte aceiteta apamuna can.

LEVÍTICO 16:7

Chai quipaca ishcai chivotami ñucahuan tupana huasi yaicunapi ñucapac ñaupapi cungapac apamuna can.

LEVÍTICO 17:4

ñucahuan tupana huasi yaicunapi ñucaman cungapac mana apamushpa, paicuna causacuc ucullapitac, mana cashpaca canzhapi huañuchishcamantaca juchanchishcami canga. Shinallatac israelpuramanta anchuchishcami canga.

LEVÍTICO 17:8

Shinallatac: “Maijan israelcunapuramanta, mana cashpaca shuctac llacta runa paicunapurapi causacpuramanta maijan ñucaman animalta tucui rupachisha nishpa, mana cashpaca imatapish ñucaman cusha nishpa,

LEVÍTICO 17:9

ñucahuan tupana huasi yaicunaman mana apamushpaca, israelcunapuramanta anchuchishcami canga.

LEVÍTICO 23:12

Punta pucushca gavillata cui punzhallatacmi shuc huatayuc ima mana tucushca cari ovejata ñucaman cushpa tucui rupachina canguichic.

LEVÍTICO 23:18

Chaihuanca shuc huatayuc ima mana tucushca canchis cari ovejatapish, shuc becitapish, ishcai cari ovejatapish cunguichic. Chaicunami grano ofrendahuan, tallina vinohuan ñucaman cushpa, tucui rupachishca canga. Chashna rupachishcami Mandac Dios ñucamanca mishquilla ashnanga.

LEVÍTICO 3:1

Maijanpish Mandac Dios-huan alli tucungapacca, mana ima tucushca huagrata, mana cashpaca vacatami cuna can.

LEVÍTICO 4:15

Chaitaca israelcunata pushac yuyaccunami chai becipac umapi maquita churashpa, Mandac Diospac ñaupapi huañuchinga.

LEVÍTICO 4:23

Chashna juchallishcata yachac chayashpaca, ima mana tucushca chivotami cuna can.

LEVÍTICO 4:3

Aceitehuan cahuishca cura juchallishpa, tucui israelcunata juchayucta ruhuashpaca, ima mana tucushca becitami chai juchata pichachun Mandac Diosman cuna can.

LEVÍTICO 4:32

Maijanpish juchamanta cungapacca ima mana tucushca malta ovejatami cuna can.

LEVÍTICO 5:15

«Maijanpish mana yachashcamanta Mandac Diosman cuna cashcata mana cushpaca juchallinmi. Chaimantaca paipac manadamantami ima mana tucushca shuc cari ovejatami Mandac Diosman cuna can. Chai ovejaca Diospac carpa huasipi tiyac siclos cullqui valishca shinami canga. Chai cullqui vali cacpimi, curaca juchata pichachun Diosman cunga.

LEVÍTICO 5:18

Chai juchamantaca oveja manadamantami ima mana tucushca cari ovejata, mashna valishcata ricushpa, curaman cuna can. Curami juchamanta Diosman cunga. Chashna cucpimi, Diosca chai juchacunataca perdonanga.

LEVÍTICO 6:2

«Maijanpish shuc runapac imata cuidacushpa, mana cashpaca mingai tucushpa charicushcata mana cutichishpa, shuhuashpaca Mandac Diospac ñaupapimi juchayuc tucun.

LEVÍTICO 6:8

Mandac Dios Moisesta rimashpaca:

LEVÍTICO 7:16

Cushami nishcamanta, mana cashpaca quiquin munaimanta cushcatapish chai punzhami micuna can. Shina cacpipish, puchutaca cayandi punzhapish micunallami.

LEVÍTICO 8:18

Quipaca tucui huañuchina cari ovejatami apamuchun mandarca. Chai animalpac umapimi Aaronpish, paipac churicunapish maquita churarca.

LEVÍTICO 8:21

Chunzhullitapish, changacunatapish yacuhuan jahuashpami tucuita rupachirca. Moisesca Mandac Dios mandashca shinallatacmi paiman mishquilla ashnachun, tucui rupachirca.

LEVÍTICO 9:2

cayashpami, Moisesca Aarontaca: «Juchata pichachun Diosman cungapacca shuc becita, tucuita rupachingapacca ima mana tucushca cari ovejata apamungui. Chaicunataca Diospac ñaupaman apamushpa cungui.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

MALAQUÍAS 1:14

Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.

NÚMEROS 15:3

ñucaman mishquilla ashnachun vacatapish, ovejatapish cushpa, tucuita rupachishpa, mana cashpaca cushami nishcamanta cushpa, mana cashpaca quiquin munaimanta cushpa, mana cashpaca fiesta punzhapi cushpaca,

NÚMEROS 15:8

Maijanpish ñucaman cushpa rupachingapac, mana cashpaca ñucahuan alli tucungapac rupachingapac, cushami nishcamanta rupachingapacca shuc becita,

NÚMEROS 19:2

«Mandac Dios ñuca israelcunata mandashpaca: “Ima mana tucushca, manarac yugoshca puca vacata apamuichic.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

NÚMEROS 23:27

Shina nicpimi, Balacca Balaamtaca: —Cunanca shuctac ladoman jacu, chai ladomanta israelcunata maldiciashcaca, Diospac ñaupapi alli cangapishchari— nirca.

NÚMEROS 23:3

Chai quipaca Balaamca Balactaca: —Ñucaca rigrinimi. Ñuca cutingacaman cambac cushca tucui rupacuc ladopi shuyacui. Mandac Dios ñucahuan tupangapac shamungapishchari. Pai imata nicpica, huillashallami— nirca. Shina nishpaca shuc shitashca urcumanmi rirca.

NÚMEROS 23:30

Balacca Balaam nishca shinallatacmi cada altarpi shuc huagrata, shuc cari ovejata rupachirca.

NÚMEROS 28:11

Cada quilla callaripi ima mana tucushca ishcai becita, shuc cari ovejata, shuc huatayuc canchis cari ovejata tucui rupachinguichic.

NÚMEROS 28:19

Mandac Dios ñucaman ishcai becita, shuc cari ovejata shinallatac shuc huatayuc ima mana tucushca canchis cari ovejata cunguichic.

NÚMEROS 28:31

Caicunataca punzhanta ñucaman cushpa, tucui rupachishca jahua, harinahuan aceitehuan chapushpa cushca jahua, tallina vinota cushca jahuami cuna canguichic. Tucui chaicunaca ima mana tucushcami cuna canguichic.

NÚMEROS 29:13

Mandac Dios ñucaman mishquilla ashnachunca ima mana tucushca chunga quimsa becita, ishcai cari ovejata, shuc huatayuc chunga chuscu cari ovejata tucuita rupachinguichic.

NÚMEROS 29:2

Mandac Dios ñucaman mishquilla ashnachunca ima mana tucushca shuc becita, shuc cari ovejata, shuc huatayuc canchis cari ovejata tucui rupachinguichic.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

SAN JUAN 1:36

Jesús chaita pasacucta ricushpami Juanca: «Paimi Dios cachashca Pactalla Ovejaca» nirca.

SAN JUAN 10:7

Jesús cutinllatac rimashpaca: —Ñucami ovejacuna yaicuna punguca cani. Chaica chashnatacmi can.

SAN JUAN 10:9

Ñucami punguca cani. Maijanpish ñucamanta yaicucca quishpiringami. Paica llucshic, yaicucmi puricunga. Micunatapish taringami.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

2 CORINTIOS 9:7

Mana misarishpa, mana mandashcallamanta, ashtahuanpish quiquin shunguhuan yuyarishca shinami cuna can. Cushicuihuan cuctami Diosca cuyan.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Diospacman cuchuyanata pudinchic.

EFESIOS 5:27

Tandanacushca criccunaca paipac ñaupapi chuyanlla, ima mana alli ruhuashcacunapish illac, llambuclla sumaimana ricurichunmi, chashnaca ruhuarca.

DEUTERONOMIO 12:27

Tucui rupachinatapish, aichatapish, yahuartapish Mandac Diospac altarpi churanguichic. Chai huañuchishca animalpac yahuartaca Mandac Diospac altarpi tallinguichic. Chai quipami aichataca micui pudinguichic.

DEUTERONOMIO 15:21

Shina cashpapish maijan animal mana alli cacpi, suchu, ñahui mana ricuc, imapish tucushca cacpica, ama Mandac Diosman cunguichicchu.

DEUTERONOMIO 17:1

Mandac Diosmanca alli huagrata, alli ovejata cunguichic. Chai shina animalcunataca Mandac Diosca millanayachinmi.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.