JUECES 9:53 - Dios Rimashcata Quillcashcami

⁵³ Ashtahuanpish shuc huarmimi jahuamanta cutana rumita Abimelecpac umapi shitashpa, umata paquirca.

JUECES 9:53 Iomraidhean Croise

2 SAMUEL 11:21

¿Pitac Jerobalpac churi Abimelectaca huañuchirca? ¿Manachu huarmi pirca jahuamanta cutana rumita paipac jahuapi cacharicpi, paica Tebes pueblopi huañurca? ¿Ima nishpatac pueblo pircamanca yallita cuchuyarcanguichic?” nicpica, canca: “Heteopuramanta canta servic Uriaspish huañurcami” ningui» nirca.

2 SAMUEL 20:21

Mana chaita ruhuangapacchu shamurcani, ashtahuanpish Efraín urcumanta Bicripac churi Sebami jatun mandac Davidhuan macanacungapac shayarirca. Paita japishpa, ñucaman cuichic. Paita cucpica, cai pueblomanta rishallami— nirca. Shina nicpimi, chai huarmica Joabtaca: —Riqui, paipac umataca cai pueblo jarcashca jahuamantami canzhaman shitasha— nirca.

JOB 31:3

¿Diosta mana manchaccunamanpish juchata ruhuaccunamanpish manachu llaquicunaca tiyanga?

JEREMÍAS 49:20

Edom llactapi causaccunapish, Temanpi causaccunapish Mandac Dios ima shina llaquichinata yuyarishcata uyaichicyari. Paicunapac manada ovejacunamanta ashtahuan uchillacamanmi apanga. Ovejacuna shayanacunatapish tucui urmachishpami saquinga.

JEREMÍAS 50:45

Chaimanta Mandac Dios ñuca Babilonia llactata ima shina llaquichinata, caldeocunata imata ruhuanata yuyarishcataca uyaichicyari. Paicunapac manada ovejacunamanta ashtahuan uchilla ovejacamanmi apanga. Ovejacuna shayanacunatapish tucui urmachishpami saquinga.

JUECES 4:9

Shina nicpimi Deboraca: —Ari, ñucaca rishami. Can rishpa macanacuita atishpapish mana canchu alli nishca cangui, ashtahuanpish Mandac Diosca shuc huarmipac maquipi churashpami Sisarataca tucuchinga— nirca. Shina nishpaca, Deboraca Barac-huanmi Cedesman rirca.

JUECES 9:15

Shina nicpimi, zarza yuraca: “Cancuna ñucata jatun mandac cachun nicushpaca, ñuca cuchupi llanduringapac shamuichic. Mana ñucata mandac cachun nicpica, ñucamanta nina llucshishpami Líbano urcucunapi tiyac tucui cedro yuracunata rupachinga” nirca.

JUECES 9:20

Mana chashna cacpica, Abimelecmanta nina llucshishpa Siquem pueblopi causaccunatapish, Milo pueblopi causaccunatapish tucui rupachichun, shinallatac cancunamanta nina llucshishpa Abimelecta tucuchichun» nirca.

JUECES 9:52

Abimelecca chai torre punguman chayashpa macanacushpami ninata japichirca.