JUECES 9:5 - Dios Rimashcata Quillcashcami

⁵ Chai gentecunahuan paipac taita Jerobaal causana Ofra puebloman rishpami, paipac canchis chunga huauquicunata shuc rumi jahuapi tucui huañuchirca. Chaicunamantaca paicunapac tucuipac quipa huauqui Gerobaalpac churi Jotamllami miticushpa atirca.

JUECES 9:5 Iomraidhean Croise

1 REYES 1:12

Riqui, cunanca cantapish, cambac cari huahua Salomontapish ama huañuchichunca, ñuca yuyaita cushcata uyai.

1 REYES 1:21

Can mana chashna ruhuacpica, ñuca amo can jatun mandac huañushpa cambac ñaupa taitacunahuan tandanacugrishca quipaca ñucapish, ñuca huahua Salomonpish juchanchishcami cashun— nirca.

2 REYES 10:17

Jehú Samaria puebloman chayashpaca, Mandac Dios Eliasman huillashca shinami, chai pueblopi saquirishca Acabpac huasi ucupuracunataca tucui huañuchirca.

2 REYES 10:7

Chai quillcata paicunapacman chayacpica, jatun mandacpac canchis chunga churicunatami umata pitircacuna. Chai umacunataca tazacunapi churashpami, Jezreel puebloman cacharca.

2 REYES 11:3

Sucta huatatami paitaca huiñachic mamandi Mandac Diospac huasipi pacalla huiñachirca. Chai huatacunami Ataliaca chai llactata mandacurca.

2 CRÓNICAS 21:4

Joramca paipac taitapac randi mandangapacmi mandanapi tiyarirca. Ña mandangapac tiyarishpa ashtahuan sinchi tucushpami, paipac huauquicunataca espadahuan, shinallatac israelcunata maijan mandaccunatapish huañuchirca.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN MATEO 2:20

«Jatarishpa, huahuata apashpa, mama Mariandi Israel llactaman cuti. Huahuata huañuchishun niccunaca ñami huañushca» nirca.

JUECES 6:11

Mandac Diospac ángel rishpaca abiezeritapuramanta Joaspac Ofra pambapi tiyac encina yura ucullapimi tiyarirca. Joaspac churi Gedeonca madianitacunamanta pacangapacmi vinota capina pushtupi trigota huactacurca.

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.

JUECES 8:30

Gedeonca achca huarmicunata charishcamantami canchis chunga churicunata charirca.

JUECES 9:18

Cunan cancunaca ñuca taitapac aillucunata piñashcanguichicmi. Chaimantami ñucapac canchis chunga huauquicunata shuc rumi jahuapi huañuchircanguichic. Chaimantaca ñuca taitapac huashalla charina huarmipac huahua Abimelectami cancunapac huasi ucu cashcallamanta mandac cachun churashcanguichic.

JUECES 9:2

«Siquem pueblopi causaccunataca: “¿Jerobaalpac tucui canchis chunga churicuna mandashpachu alli canga? ¿Mana cashpaca shuclla jatun mandac tiyanachu alli canga?” nishpa paicunata cunaichic. Ñuca cancunapac aillupura cashcataca yachanguichicmi» nirca.

JUECES 9:6

Chai quipaca, tucui Siquem pueblopi causaccunaca Bet-milopi causaccunandi tandarishpami encina yura cuchupi Diosman cuna rumi cuchupi Abimelectaca mandac cachun acllarca.