JUECES 9:24 - Dios Rimashcata Quillcashcami

²⁴ Jerobaalpac canchis chunga huahuacunata huañuchishpa yahuarta jichashcamantami Abimelecpac jahuapi llaqui urmachun, shinallatac Siquem pueblopi causaccunapish huañuchinata ayudashcamanta paicunapac jahuapi llaqui urmachun chashnaca ruhuarca.

JUECES 9:24 Iomraidhean Croise

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

1 REYES 2:33

Paicunapac yahuarca Joabpac jahuallapitac, shinallatac paipac huahua huahuacunapac jahuallapitac urmachun. Ashtahuanpish, Davidmanpish paipac huahua huahuacunamanpish, paipac huasi ucupuracunamanpish, pai mandangapac tiyarinapipish, Mandac Diosca huiñaita sumac causaita cuchun— nirca.

ESTER 9:25

Shina cacpipish Ester jatun mandacpac ñaupaman ricpica Judá gentecunata llaquichishpa jatun llaquita ruhuachun saquinapac randica, chai llaqui paillamantac urmachunmi shuc quillcata cacharca. Shinallatac paitapish, paipac churicunatapish huarcushpa huañuchichunmi mandarca.

SALMOS 7:16

Paicuna millaita ruhuashcaca paicunallatatacmi llaquichinga. Paicuna llaquichingapac yuyarishcapish paicunapac jahuallapitacmi urmanga.

SALMOS 7:17

Cashcata ruhuac Diostaca alabashami. Jahua pachapi causac Mandac Diospac shutitaca cantacushallami.

NÚMEROS 35:33

Cancuna causacushca llactataca ama mapayachinguichicchu. Maijanta huañuchishpa, yahuarta jichashcamantami chai llactaca mapayashca canga. Chashna mapayashcaca chai huañuchic runata huañuchicpimi, mapa illac saquiringa.

DEUTERONOMIO 27:25

Cutin: “¡Mana faltayuc runata huañuchingapac cullquita japicca, llaqui tucushca cachun!” nicpica, tucui gentecunami: “¡Chashna cachun!” ninga.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.

JUECES 9:25

Siquem pueblopi causaccunaca urcupi miticushpa, ñanta riccunata chapashpa huañuchic gentecunatami churarca. Abimelecca chaitaca chayac chayarcami.

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.