JUECES 9:16 - Dios Rimashcata Quillcashcami

¹⁶ Cunan caita huillaichic. ¿Abimelectaca tucui munaihuan alli shunguhuanchu, jatun mandac cachun churanguichic? ¿Jerobaaltapish, paipac huasi familiatapish cuyashca shinallatacchu mandacta churanguichic?

JUECES 9:16 Iomraidhean Croise

JUECES 6:32

Chai punzhallatacmi Gedeontaca Jerobaal nishpa shutichirca. Chaica: “Baal-llatac paipac altarta tigrachishcamanta misachun” nisha ninmi.

JUECES 8:35

Gerobaal nishca Gedeontapish huasi ucupura causaccunatapish, cai tucui allicunata ruhuashcamantapish mana pagui nircacunachu.

JUECES 9:15

Shina nicpimi, zarza yuraca: “Cancuna ñucata jatun mandac cachun nicushpaca, ñuca cuchupi llanduringapac shamuichic. Mana ñucata mandac cachun nicpica, ñucamanta nina llucshishpami Líbano urcucunapi tiyac tucui cedro yuracunata rupachinga” nirca.

JUECES 9:17

Ñuca taitami cancunataca madianitacunapac maquimanta cacharichingapac huañuna manchai macanacurca.