JUECES 8:5 - Dios Rimashcata Quillcashcami

⁵ Shina chayashpami, Sucot pueblopi causaccunataca: —Ñucahuan cac gentecunaca shaicushcami. Chaimanta asha tandata caraichic. Ñucanchicca madianitacunata mandac Zeba, Zalmunatami caticunchic— nirca.

JUECES 8:5 Iomraidhean Croise

GÉNESIS 14:18

Chaipimi Salem llactata jatun mandacpish, jahua pacha Diospacta ruhuac Melquisedec curapish tandata, vinota llucchishpa:

GÉNESIS 33:17

Cutin Jacoboca Sucotman rishpami, chaipi pai causana huasitapish, animalcuna shayana chucllatapish ruhuarca. Chaimantami chai allpataca Sucotta shutichirca.

SALMOS 60:6

Diosca paipac huasipica: «Ñucaca cushicushpami, Siquem llactata chaupishpa cusha. Sucot pambatapish medishpa cusha.

DEUTERONOMIO 23:4

Paicunaca, cancuna Egipto llactamanta llucshimucpica, micunallahuanpish, yacullahuanpish mana tupangapac llucshircachu. Ashtahuanpish Mesopotamia llactapi tiyac Petormanta Beorpac churi Balaamtami cancunata maldiciachun apamurca.

JUECES 5:23

Mandac Diospac angelca: “¡Meroz pueblopi causaccunataca maldiciashca cachun!” nirca. Mandac Dios paipac sinchi runacunata macanacucucpi mana ayudangapac shamushcamanta “sinchita maldiciashca cachun” nirca.

JUECES 8:10

Mandac Zebapish, Zalmunapish Carcor pambapimi paicunapac chunga pichca huaranga soldadocunahuan carca. Chai soldadocunallami inti llucshina ladomanta shamuc soldadocunamanta puchurca. Ashtahuanpish patsac ishcai chunga huaranga soldadocunami huañushca carca.

JUECES 8:12

Zebapish, Zalmunapish miticushpami callparca. Shina callpacpipish, cati rishpami madianitacunata mandac Zebatapish, Zalmunatapish japishpa tucui madianitacunapac carpacunapi mai manchaita churarca.

JUECES 8:15

Chai quipaca Sucot pueblopi causaccunapacman rishpaca: «Riquichic, Zebapish, Zalmunapish caipimi. Paicunamantami ñucanchic-huanca: “¿Ñucanchic cambac shaicushca gentecunaman tandata carangapacca ñachu mandac Zebapish, Zalmunapish cancunapac maquipi?” nishpami burlarcanguichic» nirca.

1 SAMUEL 25:18

Shina nicpimi, Abigaíl huarmica utcashpa ishcai patsac tandata, ishcai puñu vinota, pichca oveja aicha cusashcata, chaupi quintal camchata, patsac racimo uvasmanta ruhuashca tortillata, chaquishca higomanta ruhuashca ishcai patsac tandata burrocunapi apachirca.