JUECES 8:27 - Dios Rimashcata Quillcashcami

²⁷ Chai tandashcahuanca Gedeonca shuc efodta ruhuashpami paipac causana Ofra pueblopi churarca. Chai puebloman rishpa, chai Ofra diosta mañashpami israelcunaca huainayarcacuna. Shinami Gedeontapish, paipac familiatapish tucllapi urmachic shina pandachirca.

JUECES 8:27 Iomraidhean Croise

SALMOS 106:35

Chaipac randica chai gentecunahuan tandarishpami mana allita ruhuanata yachacurcacuna.

SALMOS 106:39

Chashnami paicunaca mana allita ruhuashpa mapayarcacuna. Chai ruhuashcacunahuanmi huainayashca shina tucurcacuna.

SALMOS 73:27

Riqui, canmanta caruyaccunaca chingaringami. Canmanta anchuriccunataca tucuitami tucuchingui.

ÉXODO 23:33

Cambac llactapi causachunpish ama saquinguichu. Paicunaca canta pandachishpa, ñucata piñachingami. Paicuna mitcachishpa pandachicpimi, canca yanga dioscunata servingui» nirca.

ÉXODO 32:4

Aarón chaicunata japishpa, yacuyachishpami, beci diosta ruhuarca. Shina ruhuacpimi paicunaca: —¡Caimi, israelcunata Egiptomanta llucchic diosca!— nirca.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

EZEQUIEL 7:20

Sumac churanacunata churarishpami, jatun tucurca. Chaicunallahuantacmi millana dioscunatapish ruhuarca. Chaimantami chaicunataca imapac mana valic millanata ruhuarcani.

OSEAS 2:2

¡Cancunapac mamataca juchanchichic paita juchanchichic! Paica mana ñuca huarmichu, ñucapish mana paipac cusachu cani. ¡Huainayanata saquichun! ¡Paipac pechomanta cuyashcacunata anchuchichun!

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

JUECES 17:5

Chai Micaiasca dioscuna tiyana huasitami charirca. Shinallatac efodta, huasipi charina dioscunatapish ruhuachishpami paipac churicunamanta shuc churita acllashpa cura cachun churarca.

JUECES 18:14

Chaiman chayashpaca Lais llacta muyundita ricungapac ric pichca runacuna paicunapac huauquicunaman parlashpaca: —Caipica shuc efodpish huasipi charina dioscunatapish, cullquita yacuyachishpa, caspita llacllashpa ruhuashca diospish tiyanmi. Chaicunataca ¿Imatatac ruhuagringuichic?— nirca.

JUECES 18:17

Chai levita cura macanacuna apashca sucta patsac soldadocunahuan pungu yaicunapi shayacucpica llactata puringapac ric pichca soldadocunaca Micaiaspac huasiman yaicushpami huasipi charina dioscunatapish, cullquita yacuyachishpa, caspita llacllashpa ruhuashca diostapish, aparca.

JUECES 2:2

Cancunapish cai llactapi causaccunahuan ama imata ari ninacunguichicchu. Paicunapac dioscunapac altarcunatapish tucui urmachinguichic” nircani. Shina cacpipish, cancunaca ñuca nishcataca mana cazushcanguichicchu. ¿Ima nishpatac chashna ruhuarcanguichic?

JUECES 2:3

Chaimanta ñucapish: “Cai gentecunataca cancunapac chaupimanta mana llucchishpa cachashachu. Ashtahuanpish paicunaca cancunata piñaccunami canga. Paicunapac dioscunapish cancunataca mitcachic shinami pandachinga” nircani» nirca.

JUECES 6:11

Mandac Diospac ángel rishpaca abiezeritapuramanta Joaspac Ofra pambapi tiyac encina yura ucullapimi tiyarirca. Joaspac churi Gedeonca madianitacunamanta pacangapacmi vinota capina pushtupi trigota huactacurca.

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.

JUECES 8:26

Chai tucui zarcillocunata tandachicpica, huaranga canchis patsac siclos llashacmi carca. Chaica sumac churanacunata, lunetacunata, sortejascunata, madianitacunata pushaccunapac churanacunata, camellocunapac cungapi apashca sumaccunata cushca jahuami chaita curca.

JUECES 8:28

Shinami madianitacunaca israelcunapac maquipi urmashpa mana ashtahuan jatarirca. Shina cacpimi chai llactapica chuscu chunga huatata Gedeón causacui punzhacunapi cushi causai tiyarca.