JUECES 8:11 - Dios Rimashcata Quillcashcami

¹¹ Gedeón chaimanta rishpaca, Noba pueblomanta, Jogbeha pueblomanta inti llucshina ladota huichai rishpami, paicuna tiyacuc carpa huasicunaman cungailla yaicushpa macarca. Chai horasca mana paicunapac soldadocunaca cuidacurcachu.

JUECES 8:11 Iomraidhean Croise

NÚMEROS 32:35

Atarot-sofán, Jazer, Jogbeha,

NÚMEROS 32:42

Nobaca Kenat llactatami tucui chai muyundi llactacunandi japirca. Chai llactataca paipac quiquin shuti Nobatami shutichirca.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

JUECES 18:27

Danpac aillucunaca Micaiaspac ima charishcacunatapish, curatapish apashpa rishpaca Lais pueblomanmi chayarca. Chaipi causac gentecunaca ima llaquitapish mana yuyashpami cushilla causacurca. Chaiman Danpac aillucuna chayashpami espadahuan huañuchishpa pueblopica ninata churarca.

JUECES 8:10

Mandac Zebapish, Zalmunapish Carcor pambapimi paicunapac chunga pichca huaranga soldadocunahuan carca. Chai soldadocunallami inti llucshina ladomanta shamuc soldadocunamanta puchurca. Ashtahuanpish patsac ishcai chunga huaranga soldadocunami huañushca carca.

JUECES 8:12

Zebapish, Zalmunapish miticushpami callparca. Shina callpacpipish, cati rishpami madianitacunata mandac Zebatapish, Zalmunatapish japishpa tucui madianitacunapac carpacunapi mai manchaita churarca.

1 SAMUEL 15:32

Chai quipami Samuelca: «¡Amalecitacunata jatun mandac Agagta pushamuichic!» nirca. Agagca: «Llaquinayaita ñuca huañunamantaca ña quishpirinimi» yuyashpami, Samuelpacman cushilla cuchuyarca.

1 SAMUEL 30:16

Chai runa pushashpa ricpica, chai shuhuac runacuna tucui chai pambapi caipi chaipi micushpa, ubiashpa, fiestata ruhuashpa tiyacuctami japirca. Filisteocunapac llactamanta, Judá llactamanta shuhuashpa apashcacunahuanmi yallita cushicushpami tiyacurca.