JUECES 7:4 - Dios Rimashcata Quillcashcami

⁴ Ashtahuanpish Mandac Diosca Gedeontaca: «Chairac achca gentecunami. Chaimanta yacu ladoman gentecunata apai. Chaipimi ñucaca imata ruhuanata ricuchisha. Chaipica: “Caimi canhuan ringa” nicpica, paica canhuan ringami. Ashtahuanpish: “Caica mana canhuan ringachu” nicpica, paica mana canhuan ringachu» nirca.

JUECES 7:4 Iomraidhean Croise

GÉNESIS 22:1

Chai quipaca, Diosca Abraham crishcata ricungapac cayashpaca: —Abraham— nirca. Shina cayacpimi Abrahamca: —Caipimi cani— nirca.

JOB 23:10

Ashtahuanpish paica, ñuca maita puricpipish tucuimi ricun. Pai ñucata ima shina cashcata ricushpa llaquichicpica, curi shinami ricurisha.

SALMOS 33:16

Pi jatun mandacpish achca soldadocunallahuanca mana quishpiri pudinchu. Jatun sinchi runapish pai fuerzata charishcallamantaca mana quishpiri pudinchu.

SALMOS 66:10

Dioslla, ñucanchictaca llaquichishpami ima shina cacta ricurcangui. Chuya cullquita ruhuangapac rupachic shinami chuyayachircangui.

SALMOS 7:9

Cashcata ruhuac Diosmi cangui. Gentecunapac shungutapish, yuyaitapish tucuitami yachangui. Millaita ruhuaccunataca chingachiyari. Ashtahuanpish cashcata ruhuactaca pi mana cuyuchipacta chariyari.

JUECES 7:5

Gedeón gentecunata yacu ladoman chayachicpica Mandac Diosca: «Maijanpish allcu shina yacuta calluhuan ubiacta shuc ladoman chicanyachingui. Cutin maijanpish cungurishpa ubiaccunataca shuctac ladoman chicanyachingui» nirca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 16:7

Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.