JUECES 7:25 - Dios Rimashcata Quillcashcami

²⁵ Chashnami israelcunaca madianitacunata mandac Orebta shinallatac Zeebta prezu japircacuna. Shina japishpaca Orebtaca Oreb quingraipi, cutin Zeebtaca uvasta cutana Zeeb pambapimi huañuchircacuna. Shina catishpa huañuchishpaca, Orebpac, Zeebpac umatapish apashpami Jordán yacuta chimbashpa Gedeonpaman apamurcacuna.

JUECES 7:25 Iomraidhean Croise

SALMOS 83:10

Paicunaca Endor pueblopi huañushpami, allpapi shitana huanu shina tucurcacuna.

ISAÍAS 10:26

Tucuita Mandac Diosca Oreb jatun quingrai ladopi, Madián llactapi huañuchishca shinami, paicunataca huañuchinga. Varata alzashpa, Egipto runacunata yacupi ucuyachishca shinami, paicunatapish tucuchinga.

ISAÍAS 9:4

Canmi paicunapac llashac yugota paquircangui. Hombrospi cac caspitapish, paicunata llaquichina varatapish paquircanguimi. Madián llactata tucuchic shinami tucuchircangui.

HABACUC 3:7

Cusán llacta carpa huasicunaca llaquilla cactami ricuni. Madián llacta carpa huasicunapish chucchunmi.

JOSUÉ 7:26

Chashna paita rupachishca jahuapica rumicunatami montonarca. Chai montonca cunancamanmi tiyan. Chashna rupachicpimi, Mandac Diosca pai nina japiric shina piñarishcataca pasachirca. Chaimantami chai pugru pambataca cunan punzhacaman Acor pamba nincuna.