JUECES 7:23 - Dios Rimashcata Quillcashcami

²³ Israelcunaca Neftalipac, Aserpac shinallatac Manasespac aillucunahuan tandanacushpami madianitacunataca catircacuna.

JUECES 7:23 Iomraidhean Croise

GÉNESIS 36:35

Husam huañucpica, Bedadpac churi Hadadmi mandacurca. Paimi Moab pambapi macanacushpa, madianitacunataca atirca. Pai mandashpa causana llactaca Avitmi carca.

1 REYES 20:20

Paicunahuan macanacungapac shamuccunataca huañuchishpami catirca. Siriocunaca miticushpami callparca. Cutin israelcunaca catishpami llaquichirca. Siria llactata jatun mandac Ben-adadca caballopi montashpami maijan soldadocunandi callpashpa miticugrirca.

1 REYES 20:21

Chashna cacpipish, Israel llactata jatun mandacca catishpa rishpami, siriocunataca caballopi puric soldadocunatapish, carretapi puric soldadocunatapish chugrishpa achcata huañuchirca.

LEVÍTICO 26:7

Cancunata piñaccunataca manchachishpami callpachinguichic. Cancunapac maquipi urmacpimi, espadahuan huañuchinguichic.

JUECES 6:35

Shinallatac Manasés aillucunaman huillachun cachacpica, paicunapish shamurcami. Shinallatac Aser, Zabulón, Neftalí aillucunaman huillachun cachacpica, paicunapish tupangapac shamurcami.