JUECES 7:14 - Dios Rimashcata Quillcashcami

¹⁴ Shina parlacpimi chai runaca: —¡Cai muscuica israelpura Joaspac churi Gedeonpac espadatami nisha nin. Mana ima shuctac nisha ninchu! ¡Diosmi tucui madianitacunata cai carpa huasicunandi paicunapac maquipi churashca!— nirca.

JUECES 7:14 Iomraidhean Croise

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

NÚMEROS 22:38

Shina nicpimi, Balaamca Balactaca: —Ña cambacman shamucunimi. Shina cashpapish ñucaca, ñuca Dios mana rimachicpica, imata mana rimashachu— nirca.

NÚMEROS 23:20

Paimi israelcunataca bendiciachun nirca. Pai bendiciashcataca ñucaca mana tigrachi pudinichu.

NÚMEROS 23:5

Chaipimi Mandac Diosca Balaampac shimipi rimaita churac shina rimashpaca: —Balacpacman cutishpa cashna nigri— nirca.

JOSUÉ 2:24

Paicunaca Josuetaca: —Mandac Diosca chai tucui llactatami ñucanchic maquipi churashca. Chai llactapi causaccunaca tucuimi manchashpa chucchucuncuna— nirca.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

JOSUÉ 5:1

Jordán yacu chimba lado, inti tigrana ladoman causac amorreocunata jatun mandaccunapish, mama cucha ladopi causacuc cananeocunata jatun mandaccunapish, Jordán yacuta israelcuna pasachun Mandac Dios ima shina chaquichishcata yacharcacunami. Chaimantami paicunapac shungupi yallita manchaihuan israelcunapac ñaupapica shaicushca shina tucurcacuna.

JUECES 3:28

Chaipimi Aodca paicunataca: «¡Ñucata catichiclla! Mandac Diosmi ñucanchicta piñac moabitacunata ñucanchic maquipi churashca» nirca. Shina nicpimi, Aodta catishpa rishpaca Moab puebloman rina ñan Jordán yacupi chapashpa, pita mana pasachirca.

JUECES 7:13

Gedeón madianitacunapac carpa huasiman chayashpaca, shuc runa pai muscushcata shuc runaman parlacuctami uyarca. Chai runa parlashpaca: —Riqui, shuc cebada tanda singumushpami, madianitacunapac carpa huasicunata huactarca. Chashna shuc carpa huasita huactashpaca tucui huasicunatami jahuamanta uraiman tucui tigrachirca— nirca.

JUECES 7:15

Gedeón muscushcatapish, chai muscushca imata nisha nicushcatapish uyashpaca Mandac Diostami alli nirca. Quipaca israelcunapac carpa huasicunaman cutishpami: —¡Mandac Diosca ñucanchic maquipimi madianitacunapac carpa huasicunataca churashca. Cunanca jatarishpa jacuchic!— nirca.

1 SAMUEL 14:12

Chai quipami cuidac filisteocunaca Jonatantapish, escudota apac runatapish caparishpaca: «¡Ñucanchicpacman shamuichic, cancunaman shuc huillanatami charinchic!» nirca. Chashna nicpimi, Jonatanca escudota apac runataca: «Mandac Diosca paicunataca israelcunapac maquipimi churashca. Cunanca jacuchic, canca ñucata cati» nirca.