JUECES 6:5 - Dios Rimashcata Quillcashcami

⁵ Paicunaca huagracunahuan, causana carpa huasicunahuanmi langosta shina shamuc carca. Paicunapish, camellocunapish mana yupaipac shamushpami tucuita indushpa tucuchirca.

JUECES 6:5 Iomraidhean Croise

CANTARES 1:5

Jerusalenpi causaccunalla, ñucaca yana cashpapish sumacmi cani. Cedar llacta carpa huasicuna shina, Salomonpac lienzo paño shina sumacmi cani.

ISAÍAS 13:20

Chaipica pi mana ashtahuan causangachu. Chaipica quipa huiñaicunapish mana causangachu. Arabeocunapish mana carpa huasicunata shayachingachu. Michiccunapish corralta mana ashtahuan ruhuangachu.

ISAÍAS 60:6

Achca camellocunami cambac ñaupaman shamunga. Madián, Efa llactacunamantami malta camellocuna shamunga. Sabá llactamantapish curita, inciensota apashpami, Mandac Diosta alli nishpa shamunga.

JEREMÍAS 46:23

Chai llaquichic runacunaca langostacuna shinami maita mana yupaipac, mana yaicuipac jatun sachaman yaicushpa, yuracunata tigrachinga. Chaitaca Mandac Dios ñucami nini.

JEREMÍAS 49:29

Paicunapac carpa huasicunatapish, ovejacunatapish quichungacunami. Paicuna jarcarina lienzocunatapish, tucui charishcacunatapish, camellocunatapish quichushpa japingacunami. Chashna quichucpimi paicunaca: “¡Tucui muyundipimi manchai tiyan!” nishpa caparinga.

JEREMÍAS 49:32

Paicunapac camellocunatapish, achca huagracunatapish tucuita quichushpami apanguichic. Jatun tucushca runacunataca tucui llactacunamanmi caita chaita cachasha. Llaquichiccunataca tucui ladocunamantami apamusha.

JEREMÍAS 51:14

Tucuita Mandac Diosca paipac shutillapitac ari nishpami: «Ñucaca canta piñaccunataca langostacunata shinami jundachisha. Paicunami caparishpa canhuan macanacungapac shamunga» nirca.

DEUTERONOMIO 28:33

Cancunapac allpapi pucushcatapish, cancuna trabajashcatapish cancuna mana ricsishca gentecunami micunga. Cancunaca punzhanta llaquita servishpallami causanguichic.

JUECES 7:12

Madianitacunapish, amalecitacunapish, inti llucshina ladomanta gentecunapish, chai pambapica langostacuna shinami achca carca. Shinallatac camellocunapish mama cuchapi tiyac tiyu shina maita mana yupaipacmi carca.

JUECES 8:10

Mandac Zebapish, Zalmunapish Carcor pambapimi paicunapac chunga pichca huaranga soldadocunahuan carca. Chai soldadocunallami inti llucshina ladomanta shamuc soldadocunamanta puchurca. Ashtahuanpish patsac ishcai chunga huaranga soldadocunami huañushca carca.

JUECES 8:21

Chaimantami Zebapish, Zalmunapish rimashpaca: —Canllatac jatarishpa, huañuchilla. Sinchi runa cashcataca huañuchicpimi, sinchi cashcata yachanchic— nirca. Shina nicpimi, Gedeón jatarishpa espadahuan Zebatapish, Zalmunatapish huañuchishpa, camellocunapac cungapi tiyac sumac lunetacunatapish japirca.

1 SAMUEL 30:17

Chaipimi Davidca manarac alli achicyacpi macai callarishpaca, cayandi punzha chishiyangacaman chugrishpa huañuchirca. Chai runacunamantaca shucllapish mana atircachu. Ashtahuanpish chuscu patsac mosocunallami camellocunapi montashpa ati rirca.