JUECES 6:10 - Dios Rimashcata Quillcashcami

¹⁰ Shinallatac: ‘Ñucaca cancunata Mandac Diosmi cani. Cancuna causana llacta amorreocunapac dioscunata ama alli ninguichicchu’ nircani. Shina nicpipish cancunaca mana cazushcanguichicchu” ninmi» nirca.

JUECES 6:10 Iomraidhean Croise

2 REYES 17:13

Mandac Diosca paita servic pai ima nishcata huillaccunata, pai ricuchishcata huillaccunata israelcunamanpish, Judá gentecunamanpish huillachishpaca: «Millaicunata ruhuanata saquishpa, ñuca mandashcacunata, ñuca yachachishcacunata cancunapac ñaupa taitacunaman ñuca mandashca shinallatac tucuita cazushpa causaichic» nirca.

2 REYES 17:33

Chai gentecunaca Mandac Diosta manchashpapish, paicunapac dioscunatami alli nishpa causarcacuna. Paicunapac llactapi ima shina ruhuashpa causashca shinallatacmi causarcacuna.

2 REYES 17:7

Israelcunaca juchata ruhuashpami Egiptomanta llucchimuc paicunata Mandac Diostaca piñachirca. Egipto llactata jatun mandac Faraonpac maquimanta llucchimuc Diosta cungarishpami, shuctac dioscunata mañarcacuna.

NEHEMÍAS 9:29

Can mandashcata pactachichun nishpa rimacpipish, jatun tucushpami, mana cazurcacuna. Can yachachishcacunatapish, mana cazushpami, juchata ruhuarca. Maijanpish cazuccunamanca, chai mandashcacunami causaita cun. Paicunaca sinchi tucushpami, chai mandashcacunata yangata ruhuashpa mana uyarcacuna.

ÉXODO 34:12

Can maipi causangapac rigricushca llacta gentecunahuan ama ari ninacunguichu. Chaimanta cuidaringui. Chaica mitcachic shinami urmachinga.

ÉXODO 34:14

Ama shuctac dioscunata adoranguichu. Mandac Dios ñucaca ñucapaclla cachunmi munani. Ñucaca, ñucapaclla cachun munac Diosmi cani.

PROVERBIOS 5:13

Ñuca yachachiccuna yachachishpa rimacpipish, mana uyasha nircanichu. Ñucata yachachishcataca mana entendircanichu.

JEREMÍAS 10:2

Paica: «Shuctac llacta gentecuna ruhuashcataca ama yachacuichicchu. Jahua pachapi ima señalcuna ricuricpi, shuctac llactapi causaccuna mancharicucpipish, cancunaca ama mancharinguichicchu.

JEREMÍAS 17:23

Shina mandacpipish, paicunaca mana uyarcacunachu. Ashtahuanpish rimashcata mana cazungapacmi sinchi shungu tucurca.

JEREMÍAS 3:13

Mandac Dios ñucatami mana cazushcangui. Chai mana allita ruhuashcata yuyarishpa llaquiriyari. Jatun yura ucucunapimi mana ricsishcacunahuan huainayarcangui. Ñuca cayacpica, manatac uyarcanguichu. Chaitaca Mandac Dios ñucami nini.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.

JEREMÍAS 42:21

Chaimantami cunanca Mandac Dios cancunaman imata huillachun mandashcacunata tucui huillarcani. Ashtahuanpish pai imata mandashcataca mana cazushpami causanguichic.

JEREMÍAS 43:4

Shina nishpami, Careapac churi Johananpish, soldadocunata mandaccunapish, gentecunapish Mandac Dios rimashcata mana cazushpa, Judá llactapi mana saquirirca.

JEREMÍAS 43:7

Mandac Dios mandashcata mana cazushpami, Egiptoman rishpa, Tafnes llactaman chayarca.

JEREMÍAS 9:13

Mandac Diosca: «Paicunaman cushca mandashcacunatami saquirca. Ñuca rimashcata mana cazurcachu. Mana ñuca munashca shinachu causarca.

SOFONÍAS 3:2

Mandac Dios rimashcatapish mana uyanchu, alli tucuchun nishpa llaquichicpipish, mana cazunchu. Diospacman mana cuchuyanchu, Mandac Diospica mana shunguta churanchu.

ROMANOS 10:16

Shina cacpipish, mana tucuichu alli huillaitaca cazurca. Chaimantami Dios ima nishcata huillac Isaiasca: «Mandac Dioslla, ¿ñucanchic huillashcataca pitac crishcayari?» nin.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

JUECES 2:2

Cancunapish cai llactapi causaccunahuan ama imata ari ninacunguichicchu. Paicunapac dioscunapac altarcunatapish tucui urmachinguichic” nircani. Shina cacpipish, cancunaca ñuca nishcataca mana cazushcanguichicchu. ¿Ima nishpatac chashna ruhuarcanguichic?

JUECES 6:9

Egiptopi causaccunapac maquimantapish, llaquichiccunapac maquimantapish quishpichishpa, paicunata cancunapac ñaupamanta catishpa cachashpami paicunapac allpataca curcani.